ਸਿੱਖਾਂ ਦੀਆਂ ਤਸਵੀਰਾਂ ਓਪੇਰਾ ਹਾਊਸ ‘ਤੇ ਪ੍ਰਦਰਸ਼ਿਤ

ਸਿਡਨੀ, 7 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ):- ਸਤੰਬਰ ਮਹੀਨੇ ਤੋਂ ਆਸਟ੍ਰੇਲੀਆ ਜੰਗਲਾਂ ਦੀ ਅੱਗ ਵਿਚ ਝੁਲਸ ਰਿਹਾ ਹੈ | ਨਿਊ ਸਾਊਥ ਵੇਲਜ਼ ਦੇ ਇਲਾਕੇ ਵਿਚ 50 ਤੋਂ ਵੱਧ ਵੱਖ-ਵੱਖ ਸਥਾਨਾਂ ‘ਤੇ ਅਜੇ ਵੀ ਅੱਗ ਲੱਗੀ ਹੈ | ਇਸ ਅੱਗ ਵਿਚ 33 ਲੋਕ ਮਾਰੇ ਜਾ ਚੁੱਕੇ ਹਨ | ਪ੍ਰਭਾਵਿਤ ਲੋਕਾਂ ਲਈ ਰਾਹਤ ਕਾਰਜਾਂ ‘ਚ ਲੱਗੇ ਆਸਟ੍ਰੇਲੀਆ ਵਸਦੇ ਸਿੱਖਾਂ ਵਲੋਂ ਹਰ ਜ਼ਰੂਰਤ ਦੀਆਂ ਵਸਤਾਂ ਮੁਹੱਈਆਂ ਕਰਵਾਈਆਂ ਜਾ ਰਹੀਆਂ ਹਨ | ਸਿੱਖ ਸੰਸਥਾਵਾਂ ਵਲੋਂ ਕੀਤੀ ਇਸ ਨਿਸ਼ਕਾਮ ਸੇਵਾ ਨੂੰ ‘ਆਸਟ੍ਰੇਲੀਆ ਡੇਅ’ ਤੇ ਸਿਡਨੀ ਦੇ ਆਈਕੋਨ ਓਪੇਰਾ ਹਾਊਸ ‘ਤੇ ਤਸਵੀਰਾਂ ਪ੍ਰਦਰਸ਼ਿਤ ਕਰ ਕੇ ਮਾਣ ਦਿੱਤਾ ਗਿਆ | ਇਹ ਸਿੱਖਾਂ ਲਈ ਜਿੱਥੇ ਮਾਣ ਦੀ ਗੱਲ ਹੈ ਉੱਥੇ ਦਸਤਾਰ ਦੀ ਪਛਾਣ ਨੂੰ ਦਰਸਾਉਣ ਲਿਚ ਵੀ ਸਹਾਈ ਹੋ ਰਹੀ ਹੈ |