RelatedPosts
* ਭਾਰਤ ਸਰਵਧਰਮ ਦਾ ਦੇਸ਼, ਸੀ.ਏ.ਏ. ਨਫਰਤ ਵਾਲਾ ਕਾਨੂੰਨ ਹੈ : ਮੁਸਤਕੀਮ ਅਹਿਰਾਰ
ਲੁਧਿਆਣਾ, 10 ਮਾਰਚ (ਭਗਵਿੰਦਰ ਪਾਲ ਸਿੰਘ)
ਕੇਂਦਰ ਸਰਕਾਰ ਦੇ ਕਾਲੇ ਕਾਨੂੰਨ ਖਿਲਾਫ ਸ਼ਹਿਰ ਦੀ ਦਾਣਾ ਮੰਡੀ ਵਿੱਚ ਚੱਲ ਰਹੇ ਸ਼ਾਹੀਨ ਬਾਗ ਪ੍ਰਦਰਸ਼ਨ ਵਿੱਚ ਅੱਜ 28ਵੇਂ ਦਿਨ ਵੱਡੀ ਗਿਣਤੀ ਵਿੱਚ ਔਰਤਾਂ ਪਹੁੰਚੀਆਂ। ਇਸ ਮੌਕੇ ਤੇ ਵਿਸ਼ੇਸ਼ ਕਰ ਹੈਬੋਵਾਲ ਵਲੋਕੀ ਤੋਂ ਪ੍ਰਧਾਨ ਨਾਜਿਮ ਸਲਮਾਨੀ, ਸ਼ਹਿਜਾਦ ਹੂਸੈਨ, ਇਰਫਾਨ, ਮਹਿਫੂਜ਼ ਰਹਿਮਾਨ, ਆਸਿਫ ਹੂਸੈਨ, ਰਿਆਜ਼, ਲਿਯਾਕਤ, ਮੁੰਤਜਿਰ, ਅਸਗਰ ਸਲਮਾਨੀ ਅਤੇ ਜਲੰਧਰ ਤੋਂ ਨਾਸਿਰ ਹੂਸੈਨ, ਅਬੱਦੁਲ ਬਾਰੀ, ਕੱਯੂਮ, ਮੁਜ਼ਮਿੱਲ ਸਲਮਾਨੀ ਦੀ ਪ੍ਰਧਾਨਗੀ ‘ਚ ਕਾਫਿਲੇ ਪੁੱਜੇ।
ਮੰਗਲਵਾਰ ਨੂੰ ਸ਼ਾਹੀਨ ਬਾਗ ਵਿੱਚ ਹੋਲੀ ਦੇ ਤਿਊਹਾਰ ਦੇ ਮੱਦੇਨਜ਼ਰ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਹਾਜੀ ਸਲੀਮ ਜੀ ਤੋਂ ਆਪਣੋ ਚਹਿਰੇ ਤੇ ਤਿਰੰਗੇ ਬਣਾਕੇ ਕੌਮੀ ਏਕਤਾ ਅਤੇ ਭਾਈਚਾਰੇ ਦਾ ਸੰਦੇਸ਼ ਦਿੱਤਾ। ਪ੍ਰਦਰਸ਼ਨਕਾਰੀਆਂ ਨੂੰ ਸੰਬੋਧਨ ਕਰਦੇ ਹੋਏ ਸ਼ਾਹੀ ਇਮਾਮ ਪੰਜਾਬ ਦੇ ਮੁੱਖ ਸਕੱਤਰ ਮੁਹਮੰਦ ਮੁਸਤਕੀਮ ਅਹਿਰਾਰ ਨੇ ਕਿਹਾ ਕਿ ਭਾਰਤ ਸਰਵ ਧਰਮ ਦਾ ਦੇਸ਼ ਹੈ ਅਤੇ ਸੀ.ਏ.ਏ. ਨਫਰਤ ਫੈਲਾਉਣ ਵਾਲਾ ਇੱਕ ਕਾਨੂੰਨ ਹੈ ਜਿਸ ਨੂੰ ਕਬੂਲ ਨਹੀਂ ਕੀਤਾ ਜਾਵੇਗਾ। ਮੁਸਤਕੀਮ ਅਹਿਰਾਰ ਨੇ ਕਿਹਾ ਕਿ ਅੱਜ ਲੁਧਿਆਣਾ ਸ਼ਾਹੀਨ ਬਾਗ ਵਿੱਚ ਹੋਲੀ ਦੇ ਦਿਨ ਵੱਡੀ ਗਿਣਤੀ ਵਿੱਚ ਪ੍ਰਦਰਸ਼ਨਕਾਰੀਆਂ ਨੇ ਪੁੱਜੇ ਕੇ ਆਪਸੀ ਭਾਈਚਾਰੇ, ਪਿਆਰ ਅਤੇ ਮੁਹੱਬਤ ਦਾ ਜੋ ਸੰਦੇਸ਼ ਦਿੱਤਾ ਹੈ ਉਸਦੀ ਮਿਸਾਲ ਨਹੀਂ ਮਿਲਦੀ। ਉਨ•ਾਂ ਕਿਹਾ ਕਿ ਸੀ.ਏ.ਏ., ਐਨ.ਪੀ.ਆਰ. ਅਤੇ ਐਨ.ਆਰ.ਸੀ. ਦੇ ਖਿਲਾਫ ਅੰਦੋਲਨ ਦੇਸ਼ਵਿਆਪੀ ਹੈ ਇਸ ਨੂੰ ਸਰਕਾਰੀ ਤੰਤਰ ਨਾਲ ਅਤੇ ਸਾਜਿਸ਼ਾਂ ਤਹਿਤ ਰੋਕ ਨਹੀਂ ਸਕਦਾ।
ਉਨ•ਾਂ ਕਿਹਾ ਕਿ ਅੰਦੋਲਨ ਵਿੱਚ ਰੋਜਾਨਾਂ ਵੱਡੀ ਗਿਣਤੀ ਵਿੱਚ ਪਹੁੰਚਣ ਵਾਲੀਆਂ ਮਾਵਾਂ, ਭੈਣਾਂ, ਧੀਆਂ ਵਧਾਈ ਦੀਆਂ ਪਾਤਰ ਹਨ ਜਿਨ•ਾਂ ਨੇ ਦੇਸ਼ ਭਰ ਵਿੱਚ ਲੋਕਾਂ ਦੀ ਨਾਗਰਿਕਤਾ ਬਚਾਉਣ ਲਈ ਕਮਰ ਕਸੀ ਹੋਈ ਹੈ।
ਫੋਟੋ ਕੈਪਸ਼ਨ : ਲੁਧਿਆਣਾ ਸ਼ਾਹੀਨ ਬਾਗ ਵਿੱਚ ਹਾਜੀ ਸਲੀਮ ਰੰਗਾਂ ਨਾਲ ਬੱਚਿਆਂ ਦੇ ਚਹਿਰੇ ਤੇ ਤਿਰੰਗਾ ਸਜਾਉਂਦੇ ਹੋਏ।
