RelatedPosts
ਤਰਨ-ਤਾਰਨ/ਭਿੱਖੀਵਿੰਡ 09 ਸਤੰਬਰ (ਰਣਬੀਰ ਸਿੰਘ)- ਮਨੁੱਖੀ ਅਧਿਕਾਰ ਮੋਰਚਾ ਸੰਗਠਨ ਦੁਆਰਾ ਮਿਤੀ 09 ਸਤੰਬਰ ਨੂੰ ਨਰਿੰਦਰ ਧਵਨ ਦੀ ਪ੍ਰਧਾਨਗੀ ਹੇਠ ਮੀਟਿੰਗ ਕਰਕੇ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ।ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਨਰਿੰਦਰ ਧਵਨ ਨੇ ਦੱਸਿਆ ਕਿ ਇਸ ਮੀਟਿੰਗ ਦਾ ਉਦੇਸ਼ ਆਮ ਲੋਕਾਂ ਦੀ ਸਰਕਾਰੀ ਦਫਤਰਾਂ ‘ਚ ਹੋ ਰਹੀ ਲੁੱਟ-ਘਸੁੱਟ ਨੂੰ ਰੋਕਣਾ ਹੈ।ਇਸ ਮੌਕੇ ਉਹਨਾਂ ਕੁਝ ਨਵੀਆਂ ਨਿਯੁਕਤੀਆਂ ਵੀ ਕੀਤੀਆਂ।ਉਹਨਾਂ ਨੇ ਇਸ ਸੰਸਥਾ ਨੂੰ ਚਲਾਉਣ ਵਾਸਤੇ ਨਵੇਂ ਮੈਂਬਰਾਂ ਨੂੰ ਆਪੋ ਆਪਣੇ ਪਿੰਡਾਂ ਵਿੱਚ ਮੀਟਿੰਗਾਂ ਕਰਨ ਬਾਰੇ ਚਰਚਾ ਕੀਤੀ।ਮੀਟਿੰਗ ਵਿੱਚ ਸਰਪੰਚ ਗੁਰਮੀਤ ਸਿੰਘ ਨੂੰ ਜਨਰਲ ਸੈਕਟਰੀ ਬਿਆਸ, ਕਿਰਤਜੀਤ ਸਿੰਘ ਉੱਬੋਕੇ ਨੂੰ ਜਨਰਲ ਸੈਕਟਰੀ ਪੱਟੀ, ਅਮਰਜੀਤ ਸਿੰਘ ਨੂੰ ਹਲਕਾ ਪ੍ਰਧਾਨ ਖੇਮਕਰਨ ਨਿਯੁਕਤ ਕੀਤਾ ਗਿਆ।ਇਸ ਮੌਕੇ ਪ੍ਰਧਾਨ ਧਵਨ ਨੇ ਕਿਹਾ ਕਿ ਮਨੁੱਖੀ ਅਧਿਕਾਰ ਸੰਗਠਨ ਆਮ ਲੋਕਾਂ ਤੇ ਹੋ ਰਹੇ ਅੱਤਿਆਚਾਰਾਂ ਖਿਲਾਫ ਆਵਾਜ਼ ਬੁਲੰਦ ਕਰੇਗਾ। ਇਸ ਮੌਕੇ ਗਹਿਲ ਸੰਧੂ ਜ਼ਿਲਾ ਪ੍ਰਧਾਨ,ਜਥੇਦਾਰ ਮੁਖਤਿਆਰ ਸਿੰਘ,ਮੁਖਤਿਆਰ ਸਿੰਘ ਸਾਹਿਬ ਸਿੰਘ,ਅਮਰੀਕ ਸਿੰਘ,ਦਿਲਬਾਗ ਸਿੰਘ,ਕਿਰਤਪਾਲ ਸਿੰਘ,ਅਜੀਤ ਪੁਰੀ ਪੱਟੀ,ਸਵਰਨ ਸਿੰਘ,ਸ਼ਾਂਤੀ ਪ੍ਸ਼ਾਦ,ਮਨਜੀਤ ਬੱਲ ਬਿਆਸ,ਸਰਪੰਚ ਗੁਰਮੀਤ ਸਿੰਘ ਬਿਆਸ,ਮਲਕੀਤ ਮੰਦ, ਡਾ.ਕੁਲਵੰਤ,ਗੁਰਲਾਲ ਸਿੰਘ ਸੈਦੋ ਆਦਿ ਮੈਂਬਰ ਹਾਜ਼ਰ ਸਨ।
