ਡਾਕਟਰ ਨੀਰਜ ਭਾਰਦਵਾਜ ਪ੍ਰਿੰਸੀਪਲ ਭਾਈ ਘਨੱਈਆ ਮੈਡੀਕਲ ਇੰਸਟੀਚਿਊਟ ਸਰਹੰਦ ਰੋਡ ਪਟਿਆਲਾ

ਪਟਿਆਲਾ 15 (ਪ੍ਰੈਸ ਕੀ ਤਾਕਤ ਬਿਊਰੋ)
ਇੱਕ ਬਹੁਤ ਸੁੰਦਰ ਪਾਰਕ ਵਿਚੋ ਇੱਕ ਸੰਤ ਫਕੀਰ ਖਿਲੇ ਹੋਏ ਫੁੱਲਾਂ ਮਹਿਕਦੀ ਹਵਾਵਾ ਚਹਿਚਹਾਉਦੇ ਪੰਛੀਆਂ, ਹਵਾਵਾ ਨਾਲ ਝੂਮਦੇ ਪੋਦਿਆ ਨੂੰ ਦੇਖਦੇ ਹੋਏ ਮਸਤੀ ਵਿੱਚ ਆਪਣੇ ਚੇਲੇ ਨਾਲ ਗੀਤ ਗਾਉਂਦੇ ਹੋਏ ਨੱਚਦੇ ਟੱਪਦੇ ਜਾ ਰਹੇ ਸਨ ਕਿ ਅੱਜ ਮੇਰੇ ਈਸ਼ਵਰ ਨੇ ਫੁੱਲਾ ਵਿੱਚ ਅਵਤਾਰ ਧਾਰਿਆ ਹੋਇਆ ਹੈ, ਦਰਖਤਾਂ ਤੇ ਲਟਕਦੇ ਮੀਠੇ ਫਲਾ ਵਿੱਚ ਉਸਦੀ ਕੁਦਰਤ ਮਠਿਆਸ ਕੋਮਲਤਾ ਤਾਕਤ ਭਰ ਰਹੀ ਹੈ, ਮਿੱਟੀ ਵਿਚੋਂ ਉਸਦੇ ਪ੍ਰੇਮ ਦੀ ਖੂਸਬੂ ਆ ਰਹੀ ਹੈ ਕਿਨਮਿਨ ਬੂੰਦਾ ਰਾਹੀ ਮੇਰੇ ਈਸ਼ਵਰ ਨੇ ਸਾਰੇ ਪਤਿਆ ਦੀ ਧੂੜ ਸਾਫ ਕਰ ਦਿਤੀ ਅਤੇ ਸੱਭ ਦੇ ਚੇਹਰਿਆ ਤੇ ਮੁਸਕਰਾਹਟ ਲਿਆ ਦਿਤੀ ਹੈ, ਉਹ ਪਤਾ ਨਹੀਂ ਕਿਵੇ ਸਮੂੰਦਰਾ ਨਦੀਆ ਨਾਲਿਆਂ ਦੇ ਪਾਣੀ ਨੂੰ ਉਡਾਕੇ ਬੂੰਦਾ ਬਾਂਦੀ ਕਰ ਰਿਹਾ ਆਸਮਾਨ ਵਿੱਚ ਉਸਦੀ ਕੋਈ ਟੈਂਕੀ ਨਹੀਂ ਦਿਖਦੀ ਪਰ ਆਸਮਾਨ ਤੋਂ ਲਗਾਤਾਰ ਠੰਡੀਆ ਕੋਮਲ ਬੂੰਦਾ ਗਿਰ ਰਹੀਆ ਹਨ ਸੰਤ ਆਪਣੇ ਚੇਲੇ ਨੂੰ ਕੁਦਰਤ ਵਲੋ ਪਾਰਕ ਵਿੱਚ ਖਾਲੇ ਫੁੱਲਾਂ ਚਿਹਚਹਾਉਦੇ ਪੰਛੀਆ ਦੇ ਅਨੰਦ ਬਾਰੇ ਗਲਾ ਕਰਦੇ ਗੀਤ ਭਜਨ ਗਾਉਂਦੇ ਪੂਰੀ ਮਸਤੀ ਵਿੱਚ ਨੱਚਦੇ ਟੱਪਦੇ ਜਾ ਰਹੇ ਸਨ। ਦੁਸਰੇ ਪਾਸੇ ਤੋਂ ਇੱਕ ਨਵ ਵਿਆਹੀ ਜੋੜੀ ਹੱਥ ਵਿੱਚ ਹੱਥ ਪਾਕੇ ਮਸਤੀ ਵਿੱਚ ਹਸਦੇ ਹਸਦੇ ਆ ਰਹੀ ਸੀ। ਜਦੋ ਸੰਤ ਉਨਾਂ ਕੋਲੋ ਲੰਘਣ ਲਗੇ ਤਾ ਅਚਾਨਕ ਸੰਤ ਦਾ ਪੈਰ ਇੱਕ ਚਿਕੜ ਵਿਚ ਪੈ ਗਿਆ ਅਤੇ ਕੁਝ ਛਿੱਟੇ ਲੜਕੀ ਦੇ ਕਪੜਿਆ ਅਤੇ ਮੂੰਹ ਤੇ ਪੈ ਗਏ ।ਉਸ ਲੜਕੀ ਦੇ ਮਹਿਬੂਬ ਨੂੰ ਬਹੁਤ ਗੁੱਸਾ ਆਇਆ ਅਤੇ ਉਸਨੇ ਕਈ ਗਾਲਾ ਸੰਤ ਨੂੰ ਕਢੀਆ ਅਤੇ ਆਕੇ ਦੋ ਚਾਰ ਥੱਪੜ ਸੰਤ ਦੇ ਮੂੰਹ ਤੇ ਮਾਰੇ। ਸੰਤ ਚੁੱਪ ਰਹੇ ਅਤੇ ਮਾਫੀ ਮੰਗਕੇ ਹੱਥ ਜੋੜਕੇ ਅਗੇ ਲੰਘ ਗਏ। ਅਚਾਨਕ ਪੂਰੇ ਜੋਰ ਨਾਲ ਬਿਜਲੀਆ ਚਮਕਣ ਲਗੀਆ , ਬੱਦਲ ਗਰਜਣੇ ਸੁਰੂ ਹੋ ਗਏ , ਠੰਡੀਆ ਹਵਾਵਾਂ ਹਨੇਰੀ ਝੱਖੜਾ ਵਿੱਚ ਬਦਲ ਗਈਆ। ਅਚਾਨਕ ਇੱਕ ਦਰਖਤ ਦਾ ਟਾਹਣਾ ਟੁੱਟਿਆ ਅਤੇ ਆਕੇ ਜੋੜੀ ਦੇ ਮਹਿਬੂਬ ਦੇ ਉਪਰ ਗਿਰ ਗਿਆ ਜਿਸ ਨਾਲ ਉਸ ਵਿਅਕਤੀ ਦਾ ਸਿਰ ਫੱਟ ਗਿਆ, ਬਾਹ ਅਤੇ ਹੱਥ ਟੁੱਟ ਗਏ , ਅਤੇ ਉਹ ਚਿੱਕੜ ਵਿੱਚ ਡਿਗਕੇ ਦਰਦ ਨਾਲ ਚੀਕਾ ਮਾਰਨ ਲਗਾ। ਲੋਕ ਇਕੱਠੇ ਹੋ ਗਏ ਅਤੇ ਸੰਤ ਜੀ ਵੱਲ ਦੇਖਣ ਲਗੇ। ਤਾ ਸੰਤ ਨੇ ਫੁੱਲਾ ਦਰਖਤਾਂ ਵੱਲ ਹਥ ਜੋੜਕੇ ਦੇਖਿਆ ਅਤੇ ਚਾਰੇ ਪਾਸੇ ਨਮਸਕਾਰ ਕਰਦੇ ਹੋਏ ਕਿਹਾ ਕਿ ਇਸ ਭੱਲੇ ਇਨਸਾਨ ਨੂੰ ਆਪਣੇ ਮਹਿਬੂਬ ਦੀ ਬੇਇੱਜ਼ਤੀ ਸਹਿਣ ਨਹੀਂ ਹੋਈ ਅਤੇ ਇਸਨੇ ਆਪਣਾ ਜੋਰ ਮੇਰੇ ਤੇ ਦਿਖਾਇਆ ਪਰ ਇਸ ਕੁਦਰਤ ਅਤੇ ਈਸਵਰ ਨੂੰ ਆਪਣੇ ਇਸ ਆਸਕ ਸੰਤ ਦੀ ਬੇਇਜ਼ਤੀ ਸਹਿਨ ਨਹੀਂ ਹੋਈ ਤਾ ਉਸਨੇ ਆਪਣਾ ਜੋਰ ਦਿਖਾ ਦਿੱਤਾ, ਹਿਸਾਬ ਤਾ ਉਹ ਬਰਾਬਰ ਕਰਦਾ ਹੀ ਰਹਿੰਦਾ ਹੈ ਭੱਲੇ ਦਾ ਬਦਲਾ ਭਲਾਈ ਅਤੇ ਬੁਰਾਈ ਦਾ ਬਦਲਾ,,, ਫੇਰ ਸੰਤ ਫੁੱਲਾਂ ਦਰਖਤਾਂ ਨੂੰ ਦੇਖਦੇ ਹੋਏ ਮਸਤੀ ਵਿੱਚ ਨੱਚਦੇ ਗਾਉਂਦੇ ਹੋਏ ਅਗੇ ਲੰਘ ਗਏ। ਵਲੋ: ਡਾਕਟਰ ਨੀਰਜ ਭਾਰਦਵਾਜ ਪ੍ਰਿੰਸੀਪਲ ਭਾਈ ਘਨੱਈਆ ਮੈਡੀਕਲ ਇੰਸਟੀਚਿਊਟ ਸਰਹੰਦ ਰੋਡ ਪਟਿਆਲਾ