ਚੰਡੀਗੜ੍ਹ, 16 ਅਕਤੂਬਰ (ਪ੍ਰੈਸ ਕੀ ਤਾਕਤ ਬਿਊਰੋ) – ਹਰਿਆਣਾ ਦੇ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਚਾਨਾ ਵਿਧਾਨਸਭਾ ਖੇਤਰ ਦੇ ਰਾਜੌਂਦ ਡਿਸਟਰੀਬਿਊਟਰੀ ਅਤੇ ਸੁਦਕੈਨ ਡਿਸਟਰੀਬਿਊਟਰੀ ਦਾ ਰਿਹੈਬਿਲਿਟੇਸ਼ਨ ਕੀਤਾ ਜਾਵੇ ਤਾਂ ਜੋ ਸਿੰਚਾਈ ਦਾ ਪਾਣੀ ਟੇਲ ਤਕ ਪਹੁੰਚ ਸਕੇ ਅਤੇ ਵੱਧ ਤੋਂ ਵੱਧ ਕਿਸਾਨਾਂ ਨੁੰ ਇਸ ਦਾ ਲਾਭ ਮਿਲ ਸਕੇ।
ਡਿਪਟੀ ਸੀਏਮ ਅੱਜ ਇੱਥੇ ਆਪਣੇ ਦਫਤਰ ਵਿਚ ਉਚਾਨਾ ਵਿਧਾਨਸਭਾ ਖੇਤਰ ਨਾਲ ਸਬੰਧਿਤ ਸਿੰਚਾਈ ਅਤੇ ਜਲ ਸੰਸਾਧਨ ਵਿਭਾਗ ਦੀ ਵੱਖ-ਵੱਖ ਯੋਜਨਾਵਾਂ ਬਾਰੇ ਸੀਨੀਅਰ ਅਧਿਕਾਰੀਆਂ ਦੀ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ।
ਸ੍ਰੀ ਦੁਸ਼ਯੰਤ ਚੌਟਾਲਾ ਨੂੰ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਰਾਜੌਂਦ ਡਿਸਟਰੀਬਿਊਟਰੀ ਦੀ ਰਿਹੈਬਿਲਿਟੇਸ਼ਨ ਦੇ ਲਈ 27 ਕਰੋੜ ਰੁਪਏ ਦੇ ਟੈਂਡਰ ਜਾਰੀ ਕਰ ਦਿੱਤੇ ਗਏ ਹਨ ਅਤੇ ਸੁਦਕੈਨ ਡਿਸਟਰੀਬਿਊਟਰੀ ਦੀ ਰਿਹੈਬਿਲਿਟੇਸ਼ਨ ਦੇ ਲਈ ਅਗਲੇ ਇਕ ਮਹੀਨੇ ਦੇ ਅੰਦਰ-ਅੰਦਰ ਟੈਡਰ ਜਾਰੀ ਕਰ ਦਿੱਤੇ ਜਾਣਗੇ ਜਿਸ ‘ਤੇ 43 ਕਰੋੜ ਰੁਪਏ ਖਰਚ ਹੋਣਗੇ।
ਡਿਪਟੀ ਸੀਏਮ ਨੇ ਦਸਿਆ ਕਿ ਉਪਰੋਕਤ ਰਿਹੈਬਿਲਿਟੇਸ਼ਨ ਦਾ ਕਾਰਜ ਪੂਰਾ ਹੋਣ ਦੇ ਬਾਅਦ ਉਚਾਨਾ ਵਿਧਾਨਸਭਾ ਖੇਤਰ ਦੇ ਪਿੰਡ ਗੁਰੂਕੁੱਲ ਖੇੜਾ, ਕਰਸਿੰਧੂ, ਅਲੀਪੁਰ, ਘੋਘਡਿਆਂ , ਛਾਤਰ, ਖੇੜੀ ਮਸਾਨਿਆ, ਕੁਚਰਾਨਾ ਖੁਰਦ, ਕੁਚਰਾਨਾ ਕਲਾਂ, ਲੋਧਰ, ਮੰਡੀ ਕਲਾਂ ਸਮੇਤ ਕਈ ਪਿੰਡਾਂ ਦੇ ਕਿਸਾਨਾਂ ਨੂੰ ਸਿੰਚਾਈ ਦੇ ਪਾਣੀ ਨੁੰ ਟੇਲ ਤਕ ਪਹੁੰਚਾਉਣ ਵਿਚ ਸਬੰਧਿਤ ਸਮਸਿਆਵਾਂ ਤੋਂ ਛੁਟਕਾਰਾ ਮਿਲ ਜਾਵੇਗਾ।
