ਸਕੂਲ ਦੇ ਸਮਾਗਮ ਵਿੱਚ ਅਬਰਾਮ ਤੇ ਅਰਾਧਿਆ ਨੇ ਖੱਟੀ ਵਾਹ-ਵਾਹੀ

ਬੌਲੀਵੁੱਡ ਅਦਾਕਾਰਾਂ ਦੇ ਬੱਚਿਆਂ ਨੇ ਹਾਲ ਹੀ ਵਿੱਚ ਆਪਣੇ ਸਕੂਲ ਦੇ ਸਾਲਾਨਾ ਸਮਾਗਮ ਵਿੱਚ ਹਿੱਸਾ ਲਿਆ। ਇਸ ਮੌਕੇ ਕਈ ਅਦਾਕਾਰਾਂ ਦੇ ਬੱਚਿਆਂ ਨੇ ਪੇਸ਼ਕਾਰੀਆਂ ਵੀ ਦਿੱਤੀਆਂ, ਪਰ ਸਭ ਤੋਂ ਵੱਧ ਵਾਹ-ਵਾਹੀ ਸ਼ਾਹਰੁਖ ਖ਼ਾਨ ਦੇ ਛੋਟੇ ਪੁੱਤਰ ਅਬਰਾਮ ਅਤੇ ਅਭਿਸ਼ੇਕ ਤੇ ਐਸ਼ਵਰਿਆ ਦੀ ਧੀ ਅਰਾਧਿਆ ਨੇ ਖੱਟੀ। ਇਹ ਸਾਰੇ ਬੱਚੇ ਧੀਰੂਭਾਈ ਅੰਬਾਨੀ ਇੰਟਰਨੈਸ਼ਨਲ ਸਕੂਲ ਵਿੱਚ ਪੜ੍ਹਦੇ ਹਨ। ਇਸ ਸਮਾਗਮ ਸਬੰਧੀ ਵਾਇਰਲ ਹੋਈ ਵੀਡੀਓ ਵਿੱਚ ਅਬਰਾਮ ਮੱਧਕਾਲ ਦੀ ਪੁਸ਼ਾਕ ਪਹਿਨ ਕੇ ਸਟੇਜ ’ਤੇ ਆਉਂਦਾ ਹੈ ਅਤੇ ਆਪਣੀ ਸਕਿੱਟ ਦੀਆਂ ਕੁਝ ਸਤਰਾਂ ਅੰਗਰੇਜ਼ੀ ਵਿੱਚ ਬੋਲਦਾ ਹੈ। ਉਹ ਆਪਣੇ ਸਹਿ ਕਲਾਕਾਰਾਂ ਨੂੰ ਕਹਿੰਦਾ ਹੈ, ‘‘ਮੈਨੂੰ ਜੱਫੀ ਪਾਓ, ਮੈਨੂੰ ਜੱਫੀਆਂ ਪਸੰਦ ਹਨ।’’ ਇਸ ਮਗਰੋਂ ਅਬਰਾਮ ਦੋਵੇਂ ਬਾਹਵਾਂ ਫੈਲਾ ਕੇ ਆਪਣੇ ਪਿਤਾ ਦੇ ਸਭ ਤੋਂ ਮਸ਼ਹੂਰ ਅੰਦਾਜ਼ ਵਿੱਚ ਖੜ੍ਹਾ ਹੋ ਜਾਂਦਾ ਹੈ ਅਤੇ ਪਿੱਛੇ ਫਿਲਮ ‘ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ’ ਦਾ ਸੰਗੀਤ ਵੱਜਣ ਲੱਗਦਾ ਹੈ। ਵੀਡੀਓ ਵਿੱਚ ਅਦਾਕਾਰ ਸ਼ਾਹਰੁਖ ਖਾਨ ਦਰਸ਼ਕਾਂ ਵਿੱਚ ਬੈਠਾ ਤਾੜੀਆਂ ਮਾਰਦਾ ਦਿਖਾਈ ਦਿੰਦਾ ਹੈ। ਇੱਕ ਹੋਰ ਵੀਡੀਓ ਵਿੱਚ ਅਰਾਧਿਆ ਇੱਕ ਡਾਇਨ ਦੇ ਕਿਰਦਾਰ ਵਿੱਚ ਦਿਖਾਈ ਦੇ ਰਹੀ ਹੈ। ਵੀਡੀਓ ਵਿੱਚ ਉਹ ਅੰਗਰੇਜ਼ੀ ਵਿੱਚ ਆਪਣੀਆਂ ਸਤਰਾਂ ਬੋਲਦੀ ਹੈ ਅਤੇ ਇੱਕ ਗੀਤ ’ਤੇ ਨੱਚਦੀ ਦਿਖਾਈ ਦੇ ਰਹੀ ਹੈ। ਇਸ ਵੀਡੀਓ ਵਿੱਚ ਸੈਫ਼ ਅਲੀ ਖ਼ਾਨ ਦਾ ਪੁੱਤਰ ਤੈਮੂਰ ਅਤੇ ਕਰਨ ਜੌਹਰ ਦਾ ਪੁੱਤਰ ਯਸ਼ ਵੀ ਇੱਕੋ ਜਿਹੀਆਂ ਪੁਸ਼ਾਕਾਂ ਪਹਿਨ ਕੇ ਖੜ੍ਹੇ ਦਿਖਾਈ ਦੇ ਰਹੇ ਹਨ।