ਕੇਦਾਰਨਾਥ ਤੋਂ ਬਾਅਦ ਰਿਸ਼ੀਕੇਸ਼ ਪਹੁੰਚੀ ਰਵੀਨਾ ਟੰਡਨ, ਬੇਟੀ ਰਾਸ਼ਾ ਤੇ ਪੁਜਾਰੀਆਂ ਨਾਲ ਕੀਤੀ ਗੰਗਾ ਆਰਤੀ

ਰਵੀਨਾ ਟੰਡਨ ਦਾ ਵੀਡੀਓ ANI ਨੇ ਸ਼ੇਅਰ ਕੀਤਾ ਹੈ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਅਦਾਕਾਰਾ ਰਿਸ਼ੀਕੇਸ਼ ਦੇ ਪਰਮਾਰਥ ਨਿਕੇਤਨ ਘਾਟ ‘ਤੇ ਕਈ ਪੁਜਾਰੀਆਂ ਨਾਲ ਗੰਗਾ ਆਰਤੀ ਕਰ ਰਹੀ ਹੈ। ਇਸ ਮੌਕੇ ‘ਤੇ ਰਵੀਨਾ ਟੰਡਨ ਲਾਲ ਰੰਗ ਦਾ ਸੂਟ ਅਤੇ ਮੱਥੇ ‘ਤੇ ਤਿਲਕ ਪਾਈ ਨਜ਼ਰ ਆ ਰਹੀ ਹੈ। ਇੰਨਾ ਹੀ ਨਹੀਂ ਅਦਾਕਾਰਾ ਪੂਰੀ ਤਰ੍ਹਾਂ ਸ਼ਰਧਾ ‘ਚ ਡੁੱਬੀ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਰਵੀਨਾ ਦੀ ਬੇਟੀ ਰਾਸ਼ਾ ਥਡਾਨੀ ਵੀ ਨਜ਼ਰ ਆ ਰਹੀ ਹੈ। ਇਨ੍ਹੀਂ ਦਿਨੀਂ ਰਵੀਨਾ ਟੰਡਨ ਆਪਣੀ ਬੇਟੀ ਨਾਲ ਛੁੱਟੀਆਂ ‘ਤੇ ਗਈ ਹੋਈ ਹੈ। ਹਾਲ ਹੀ ‘ਚ ਉਹ ਕੇਦਾਰਨਾਥ ਗਏ ਸਨ। ਇਸ ਲਈ ਵੀਰਵਾਰ ਸਵੇਰੇ ਰਿਸ਼ੀਕੇਸ਼ ਪਹੁੰਚ ਗਏ। ਇਸ ਮੌਕੇ ‘ਤੇ ਅਦਾਕਾਰਾ ਨੇ ਗੰਗਾ ਆਰਤੀ ਕੀਤੀ, ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ।