ਅਮਰੀਕਾ,08-05-2023(ਪ੍ਰੈਸ ਕੀ ਤਾਕਤ)- ਅਮਰੀਕਾ ਦੇ ਟੈਕਸਾਸ ਮਾਲ ਵਿਚ ਇਕ ਬੰਦੂਕਧਾਰੀ ਨੇ ਅੰਨ੍ਹੇਵਾਹ ਗੋਲੀਬਾਰੀ ਕਰ ਦਿੱਤੀ, ਜਿਸ ਵਿੱਚ ਨੌਂ ਲੋਕਾਂ ਦੀ ਮੌਤ ਹੋ ਗਈ। ਨਿਊਯਾਰਕ ਪੋਸਟ ਦੀ ਰਿਪੋਰਟ ਮੁਤਾਬਕ ਮ੍ਰਿਤਕਾਂ ਵਿਚ ਭਾਰਤੀ ਮੂਲ ਦੀ ਇੰਜੀਨੀਅਰ ਐਸ਼ਵਰਿਆ ਥਟੀਕੋਂਡਾ ਵੀ ਸ਼ਾਮਲ ਹੈ। ਹੈਦਰਾਬਾਦ ਦੇ ਸਰੂਰਨਗਰ ਦੀ ਰਹਿਣ ਵਾਲੀ ਥਟੀਕੋਂਡਾ ਭਾਰਤ ਤੋਂ ਅਮਰੀਕਾ ਆ ਗਈ ਸੀ। ਉਹ ਡਲਾਸ ਵਿਚ ਇਕ ਪ੍ਰਾਈਵੇਟ ਕੰਪਨੀ ਵਿੱਚ ਪ੍ਰੋਜੈਕਟ ਮੈਨੇਜਰ ਵਜੋਂ ਕੰਮ ਕਰ ਰਹੀ ਸੀ।
27 ਸਾਲਾ ਐਸ਼ਵਰਿਆ ਥਟੀਕੋਂਡਾ ਉੱਤਰੀ ਉਪਨਗਰ ਡਲਾਸ ਦੇ ਐਲਨ ਪ੍ਰੀਮੀਅਮ ਆਉਟਲੈਟਸ ਵਿਚ ਦੋਸਤ ਨਾਲ ਖਰੀਦਦਾਰੀ ਕਰ ਰਹੀ ਸੀ ਜਦੋਂ ਇਕ ਬੰਦੂਕਧਾਰੀ ਨੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ। ਗੋਲੀਬਾਰੀ ਕਰਨ ਵਾਲਾ ਮੌਰੀਸੀਓ ਗਾਰਸੀਆ (33) ਪੁਲਿਸ ਕਾਰਵਾਈ ‘ਚ ਮਾਰਿਆ ਗਿਆ।
