ਮੁੱਖ ਮੰਤਰੀ ਹਰੀਸ਼ ਰਾਵਤ ਸੜਕ ਹਾਦਸੇ ’ਚ ਮਾਮੂਲੀ ਜ਼ਖ਼ਮੀ

ਉੱਤਰਾਖੰਡ ਦੇ ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ ਕਾਸ਼ੀਪੁਰ ਦੌਰੇ ਮੌਕੇ ਕਾਰ ਹਾਦਸੇ ਵਿੱਚ ਮਾਮੂਲੀ ਜ਼ਖ਼ਮੀ ਹੋ ਗਏ। ਹਲਦਵਾਨੀ ਤੋਂ ਊਧਮ ਸਿੰਘ ਨਗਰ ਦੇ ਕਾਸ਼ੀਪੁਰ ਜਾ ਰਹੇ ਸ੍ਰੀ ਰਾਵਤ ਦੀ ਕਾਰ ਬਾਜ਼ਪੁਰ ਵਿਖੇ ਡਿਵਾਈਡਰ ਨਾਲ ਟਕਰਾ ਗਈ। ਸੋਸ਼ਲ ਮੀਡੀਆ ਐਪ ਐਕਸ ‘ਤੇ ਪੋਸਟ ਵਿਚ ਉਨ੍ਹਾਂ ਕਿਹਾ ਕਿ ਟੱਕਰ ਤੋਂ ਬਾਅਦ ਉਨ੍ਹਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਬਾਅਦ ਹਸਪਤਾਲ ਵਿਚ ਆਪਣਾ ਚੈੱਕਅੱਪ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਚਿੰਤਾ ਦੀ ਕੋਈ ਗੱਲ ਨਹੀਂ।’