ਨਵੀਂ ਦਿੱਲੀ— ਦਿੱਲੀ ‘ਚ ਉਡਾਣ ‘ਚ ਦੇਰੀ ਦੌਰਾਨ ਇਕ ਨਾਰਾਜ਼ ਯਾਤਰੀ ਨੇ ਪਾਇਲਟ ‘ਤੇ ਹਮਲਾ ਕਰ ਦਿੱਤਾ।

ਦਿੱਲੀ ਏਅਰਪੋਰਟ ‘ਤੇ ਫਲਾਈਟ ਲੇਟ ਹੋਣ ਦੇ ਐਲਾਨ ਦੌਰਾਨ ਇੰਡੀਗੋ ਦੇ ਯਾਤਰੀਆਂ ਨੇ ਪਾਇਲਟ ‘ਤੇ ਹਮਲਾ ਕੀਤਾ ਹੈ। ਘਟਨਾ ਦੀ ਕਥਿਤ ਵੀਡੀਓ ਐਤਵਾਰ ਸ਼ਾਮ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈ ਹੈ। ਦਿੱਲੀ ਪੁਲਿਸ ਦੇ ਅਧਿਕਾਰੀਆਂ ਨੇ ਕਿਹਾ, “ਸਾਨੂੰ ਇਸ ਬਾਰੇ ਸ਼ਿਕਾਇਤ ਮਿਲੀ ਹੈ ਅਤੇ ਅਸੀਂ ਲੋੜੀਂਦੀ ਕਾਨੂੰਨੀ ਕਾਰਵਾਈ ਕਰ ਰਹੇ ਹਾਂ।” ਵੀਡੀਓ ਕਲਿੱਪ ਵਿੱਚ, ਚਾਲਕ ਦਲ ਦੇ ਹੋਰ ਮੈਂਬਰ ਯਾਤਰੀਆਂ ਨੂੰ ਰੋਕਦੇ ਹੋਏ ਦੇਖੇ ਜਾ ਸਕਦੇ ਹਨ ਜਿਨ੍ਹਾਂ ਨੇ ਘਟਨਾ ਤੋਂ ਬਾਅਦ ਪਾਇਲਟ ‘ਤੇ ਹਮਲਾ ਕੀਤਾ।