ਰਵੀ ਤੇਜਾ ਵੱਲੋਂ ਫਿਲਮ ‘ਮਿਸਟਰ ਬੱਚਨ’ ਦਾ ਐਲਾਨ

ਅਦਾਕਾਰ ਰਵੀ ਤੇਜਾ ਨੇ ਅੱਜ ਆਪਣੀ ਆਉਣ ਵਾਲੀ ਫਿਲਮ ‘ਮਿਸਟਰ ਬੱਚਨ’ ਦਾ ਐਲਾਨ ਕੀਤਾ ਹੈ। ਇਹ ਫਿਲਮ ਮੈਗਾਸਟਾਰ ਅਮਿਤਾਭ ਬੱਚਨ ਦੇ ਜੀਵਨ ’ਤੇ ਆਧਾਰਿਤ ਹੈ। ਹਰੀਸ਼ ਸੰਕਰ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਦੀ ਟੈਗਲਾਈਨ ‘ਨਾਮ ਤੋ ਸੁਨਾ ਹੋਗਾ’ ਹੈ। ਇਸ ਵਿੱਚ ਭਾਗਿਆਸ਼੍ਰੀ ਬੋਰਸੇ ਵੀ ਨਜ਼ਰ ਆਵੇਗੀ। ਫਿਲਮ ਦਾ ਨਿਰਮਾਣ ਪੀਪਲ ਮੀਡੀਆ ਫੈਕਟਰੀ, ਪੈਨੋਰਮਾ ਸਟੂਡੀਓਜ਼ ਅਤੇ ਟੀ-ਸੀਰੀਜ਼ ਨੇ ਕੀਤਾ ਹੈ। ਰਵੀ ਤੇਜਾ ਨੇ ਐਕਸ ’ਤੇ ਫਿਲਮ ਦਾ ਐਲਾਨ ਕਰਦਿਆਂ ਕਿਹਾ, ‘‘ਮਿਸਟਰ ਬੱਚਨ। ਨਾਮ ਤੋਂ ਸੁਨਾ ਹੋਗਾ। ਆਪਣੇ ਪਸੰਦੀਦਾ ਅਮਿਤਾਭ ਬੱਚਨ ਦਾ ਕਿਰਦਾਰ ਨਿਭਾਉਣ ’ਤੇ ਮਾਣ ਮਹਿਸੂਸ ਕਰ ਰਿਹਾ ਹਾਂ।’’ ਨਿਰਮਾਤਾਵਾਂ ਨੇ ਫਿਲਮ ਦੀ ਪਹਿਲੀ ਝਲਕ ਵੀ ਸਾਂਝੀ ਕੀਤੀ, ਜਿਸ ਵਿੱਚ ਰਵੀ ਤੇਜਾ ਐਨਕਾਂ ਲਗਾ ਕੇ ਸਕੂਟਰ ਚਲਾਉਂਦਾ ਦਿਖਾਈ ਦੇ ਰਿਹਾ ਹੈ। ਇਸ ਦੌਰਾਨ ਅਦਾਕਾਰ ਅਜੈ ਦੇਵਗਨ ਨੇ ਵੀ ਫਿਲਮ ਦਾ ਪੋਸਟਰ ਸਾਂਝਾ ਕੀਤਾ।