ਕਸ਼ਮੀਰ ਵਾਦੀ ਠੰਢ ਦੀ ਜਕੜ ’ਚ, ਸ੍ਰੀਨਗਰ ’ਚ ਘੱਟੋ ਘੱਟ ਤਾਪਮਾਨ ਮਨਫ਼ੀ 2.6 ਡਿਗਰੀ

ਜੰਮੂ-ਕਸ਼ਮੀਰ ਦੇ ਸ੍ਰੀਨਗਰ ‘ਚ ਬੀਤੀ ਰਾਤ ਸੀਜ਼ਨ ਦੀ ਹੁਣ ਤੱਕ ਦੀ ਸਭ ਤੋਂ ਠੰਢੀ ਸੀ। ਇਥੇ ਰਾਤ ਨੂੰ ਘੱਟੋ ਘੱਟ ਤਾਪਮਾਨ ਮਨਫੀ 2.6 ਦਰਜ ਕੀਤਾ ਗਿਆ। ਮੌਸਮ ਵਿਭਾਗ ਦੇ ਨੇ ਕਿਹਾ ਕਿ ਗੁਲਮਰਗ ਵਿੱਚ ਘੱਟ ਤੋਂ ਘੱਟ ਤਾਪਮਾਨ ਮਨਫ਼ੀ 2.5 ਅਤੇ ਪਹਿਲਗਾਮ ਵਿੱਚ ਮਨਫ਼ੀ 4.9 ਦਰਜ ਕੀਤਾ ਗਿਆ।ਜੰਮੂ ਵਿੱਚ ਘੱਟੋ-ਘੱਟ 9.6, ਕਟੜਾ 9.2, ਬਟੋਤੇ 4.3, ਭਦਰਵਾਹ 1.5 ਅਤੇ ਬਨਿਹਾਲ 1 ਰਿਕਾਰਡ ਕੀਤਾ ਗਿਆ। ਲਦਾਖ ਖੇਤਰ ਵਿੱਚ ਲੇਹ ਵਿੱਚ ਮਨਫ਼ੀ 13.5, ਕਾਰਗਿਲ ਵਿੱਚ ਮਨਫ਼ੀ 11 ਅਤੇ ਦਰਾਸ ਮਨਫ਼ੀ 12.2 ਘੱਟੋ-ਘੱਟ ਤਾਪਮਾਨ ਦਰਜ ਕੀਤਾ ਗਿਆ।