ਪੱਛਮੀ ਬੰਗਾਲ: ਪੰਚਾਇਤੀ ਚੋਣ ਨਤੀਜਿਆਂ ’ਚ ਸ਼ਾਨਦਾਰ ਜਿੱਤ ਵੱਲ ਵੱਧ ਰਹੀ ਹੈ ਟੀਐੱਮਸੀ

ਕੋਲਕਾਤਾ, 12 ਜੁਲਾਈ, (ਪ੍ਰੈਸ ਕੀ ਤਾਕਤ ਬਿਊਰੋ)
ਪੱਛਮੀ ਬੰਗਾਲ ‘ਚ ਸੱਤਾਧਾਰੀ ਤ੍ਰਿਣਮੂਲ ਕਾਂਗਰਸ ਹਿੰਸਾ ਪ੍ਰਭਾਵਿਤ ਪੰਚਾਇਤੀ ਚੋਣਾਂ ‘ਚ ਸ਼ਾਨਦਾਰ ਜਿੱਤ ਹਾਸਲ ਕਰਦੀ ਨਜ਼ਰ ਆ ਰਹੀ ਹੈ। ਰਾਜ ਚੋਣ ਕਮਿਸ਼ਨ ਦੇ ਅਨੁਸਾਰ ਤ੍ਰਿਣਮੂਲ ਕਾਂਗਰਸ ਨੇ 63,229 ਗ੍ਰਾਮ ਪੰਚਾਇਤ ਸੀਟਾਂ ਵਿੱਚੋਂ 34,359 ਜਿੱਤੀਆਂ ਹਨ, ਜਦੋਂ ਕਿ ਉਸ ਦੇ ਉਮੀਦਵਾਰ ਹੋਰ 752 ‘ਤੇ ਅੱਗੇ ਹਨ। ਭਾਜਪਾ ਨੇ 9,545 ਸੀਟਾਂ ਜਿੱਤੀਆਂ ਹਨ ਅਤੇ ਉਸ ਦੇ ਉਮੀਦਵਾਰ 180 ‘ਤੇ ਅੱਗੇ ਹਨ। ਭਾਰਤੀ ਕਮਿਊਨਿਸਟ ਪਾਰਟੀ (ਮਾਰਕਸਵਾਦੀ) ਨੇ 2,885 ਸੀਟਾਂ ਜਿੱਤੀਆਂ ਹਨ ਅਤੇ 96 ਗ੍ਰਾਮ ਪੰਚਾਇਤ ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਕਾਂਗਰਸ ਨੇ 2,498 ਗ੍ਰਾਮ ਪੰਚਾਇਤ ਸੀਟਾਂ ਜਿੱਤੀਆਂ ਹਨ ਅਤੇ 72 ਹੋਰਾਂ ‘ਤੇ ਅੱਗੇ ਹੈ।