ਨੰਗਲ, (ਪ੍ਰੈਸ ਕੀ ਤਾਕਤ ਬਿਊਰੋ): (ਸੋਮਿਆ)- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਮਿਸ਼ਨ ਤੰਦਰੁਸਤ ਪੰਜਾਬ ਅਧੀਨ ਦਿੱਤੀਆਂ ਹਦਾਇਤਾਂ ਅਨੁਸਾਰ ਸਰਕਾਰੀ ਆਯੁਰਵੈਦਿਕ ਡਿਸਪੈਂਸਰੀ ਪਿੰਡ ਤਲਵਾੜਾ ‘ਚ ਮੁਫ਼ਤ ਸਿਹਤ ਜਾਂਚ ਕੈਂਪ ਲਗਾਇਆ ਗਿਆ | ਡਾ. ਵਿਕਰਾਂਤ ਸ਼ਰਮਾ ਇੰਚਾਰਜ ਤਲਵਾੜਾ ਡਿਸਪੈਂਸਰੀ, ਡਾਕਟਰ ਚੰਦਨ, ਡਾ. ਸਵਾਤੀ, ਡਾ. ਸੰਵੇਦਨਾ ਇੰਚਾਰਜ ਨੰਗਲ ਡਿਸਪੈਂਸਰੀ, ਡਾ. ਉਕਾਂਰਏਸ਼ਵਰ, ਡਾ. ਵਿਭੂ ਚੌਧਰੀ, ਡਾ. ਸੋਨਾਲੀ ਨੇ ਮਰੀਜ਼ਾਂ ਦੀ ਜਾਂਚ ਕੀਤੀ ਤੇ ਮੌਕੇ ‘ਤੇ ਦਵਾਈ ਵੀ ਮੁਫ਼ਤ ਦਿੱਤੀ | ਆਮ ਕੈਂਪਾਂ ਤੋਂ ਉਲਟ ਇਸ ਕੈਂਪ ‘ਚ ਡਾਕਟਰਾਂ ਨੇ ਮਰੀਜ਼ਾਂ ਨੂੰ ਇਹ ਨੁਕਤਾ ਵੀ ਦੱਸਿਆ ਕਿ ਮਨੁੱਖੀ ਸਰੀਰ ਤਾਂ ਬਿਮਾਰ ਹੋਣ ਲਈ ਬਣਿਆ ਹੀ ਨਹੀਂ | ਤੁਸੀਂ ਬਿਮਾਰ ਸਿਰਫ਼ ਉਸ ਸਮੇਂ ਹੁੰਦੇ ਹੋ ਜਦੋਂ ਖਾਣ ਪੀਣ ਅਤੇ ਆਰਾਮ ਕਰਨ ਦੇ ਸਖ਼ਤ ਅਨੁਸ਼ਾਸਨ ਨੂੰ ਖ਼ੁਦ ਹੀ ਭੰਗ ਕਰਦੇ ਹੋ | ਇਸ ਮੌਕੇ ‘ਤੇ ਸਰਪੰਚ ਸੰਤੋਸ਼ ਸ਼ਰਮਾ, ਪ੍ਰਸਿੱਧ ਵਕੀਲ ਸਤੀਸ਼ ਸ਼ਰਮਾ, ਵਿਨੋਦ ਸ਼ਰਮਾ, ਮੈਡਮ ਸਤਿੰਦਰ ਕੌਰ ਸੰਧੂ, ਗੁਰਬਖਸ਼ ਰਾਏ ਵਰਮਾ, ਕੇਵਲ ਕਿ੍ਸ਼ਨ, ਸਮਾਜ ਸੇਵਕ ਅੰਮਿ੍ਤ ਲਾਲ, ਵਿਨੈ ਕੁਮਾਰ ਆਦਿ ਹਾਜ਼ਰ ਸਨ |
