ਹਰ ਹਾਲਤ ਵਿਚ ਗੈਰ ਕਾਨੂੰਨੀ ਟੋਏ ਪੁੱਟਣ ਵਾਲਿਆਂ ‘ਤੇ ਹੋਵੇਗਾ ਪਰਚਾ ਦਰਜ ; ਪੂਨਮਦੀਪ ਕੋਰ
ਪਟਿਆਲਾ 22 ਨੰਵਬਰ (ਪ੍ਰੈਸ ਕੀ ਤਾਕਤ ਬਿਊਰੋ) : ਇੱਕ ਪਾਸੇ ਪੰਜਾਬ ਸਰਕਾਰ ਕਰੋੜਾਂ ਰੁਪਏ ਲਗਾ ਕੇ ਪਟਿਆਲਾ ਦੀ ਨੁਹਾਰ ਬਦਲਣ ਵਿਚ ਲਗੀ ਹੋਈ ਹੈ ਤਾਂ ਕਿ ਮੁੱਖ ਮੰਤਰੀ ਦੇ ੍ਹਹਿਰ ਪਟਿਆਲਾ ਦਾ ਕਾਇਆ ਕਲਪ ਕੀਤਾ ਜਾ ਸਕੇ| ਜਿਸ ਲਈ ਨਗਰ ਨਿਗਮ ਦਿਨ ਰਾਤ ਲਗ ਕੇ ਕਰੋੜਾਂ ਰੁਪਏ ਲਗਾ ਕੇ ੍ਹਹਿਰ ਦੀਆਂ ਕੰਕਰੀਟ, ਲੁੱਕ ਵਾਲੀਆਂ ਅਤੇ ਟਾਇਲ ਵਾਲੀਆਂ ਪੱਕੀਆਂ ਸੜਕਾਂ ਬਣਾ ਰਹੀ ਹੈ| ਪਰ ਦੂਜੇ ਪਾਸੇ ਕੁਝ ਪ੍ਰਾਇਵੇਟ ਕੰਪਨੀਆਂ ਵਾਲੇ ੍ਹਰੇਆਮ ਗੁੰਡਾਗਰਦੀ ਕਰ ਰਹੇ ਹਨ ਆਪਣੀਆਂ ਤਾਰਾਂ ਵਿਛਾਉਣ ਲਈ ਨਵੀਆਂ ਬਣੀਆਂ ਸੜਕਾਂ ਪੁੱਟ ਰਹੇ ਹਨ ਉਹ ਵੀ ਨਗਰ ਨਿਗਮ ਦੀ ਬਿਨਾਂ ਮਨਜੂਰੀ ਦੇ|
ਹੱਦ ਤਾਂ ਉਦੋਂ ਹੋ ਗਈ ਜਦੋਂ ਪਟਿਆਲਾ ਦੇ ਅਰਨਾ ਬਰਨਾ ਚੋਂਕ ਨੇੜੇ ਦੋ ਪਾਰਕਾਂ ਦੀ ਸੜਕ ਵਿਚ ਅੱਧੀ ਰਾਤ ਨੂੰ ਹੀ ਇੱਕ ਪ੍ਰਾਇਵੇਟ ਕੰਪਨੀ ਸੜਕ ਪੁਟਣ ਪਹੁੰਚ ਗਏ ਅਤੇ ਸਵੇਰੇ ਚਾਰ ਵਜੇ ਤੱਕ ਦੋ ਥਾਵਾਂ *ਤੇ ਪੰਜ ਪੰਜ ਫੁੱਟ ਲੰਬੇ ਟੋਏ ਪੁੱਟ ਦਿਤੇ| ਜਦੋਂ ਆਸਪਾਸ ਦੇ ਲੋਕਾਂ ਨੇ ਜਾ ਕੇ ਪੁਛਿਆ ਤਾਂ ਉਹਨਾਂ ਕਿਹਾ ਕਿ ਸਰਕਾਰੀ ਕੰਮ ਚਲ ਰਿਹਾ ਹੈ|
ਸਵੇਰ ਹੁੰਦਿਆਂ ਹੀ ਸੈਂਟਰਲ ਪਟਿਆਲਾ ਵੈਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਸੀਨੀਅਰ ਸਿਟੀਜਨ ਸੁੰਦਰ ਲਾਲ ਵਾਸੂਦੇਵਾ ਨੇ ਨਗਰ ਨਿਗਮ ਦੇ ਅਧਿਕਾਰੀਆਂ ਦੇ ਧਿਆਨ ਵਿਚ ਮਾਮਲਾ ਲਿਆਂਦਾ ਤਾਂ ਕੁਝ ਹੋਰ ਹੀ ਕਹਾਣੀ ਸਾਮਹਣੇ ਆਈ ਕਿ ਇਹ ਸਰਕਾਰੀ ਕੰਮ ਨਹੀਂ ਸਗੋਂ ਗੈਰ ਕਾਨੂੰਨੀ ਹੋ ਰਿਹਾ ਸੀ| ਨਗਰ ਨਿਗਮ ਦੀ ਬਿਨਾਂ ਮੰਨਜੂਰੀ ਲਏ ਇਹ ਪ੍ਰਾਇਵੇਟ ਕੰਪਨੀ ਪਟਿਆਲਾ ਵਿਚ ਕਈ ਥਾਵਾਂ *ਤੇ ਟੋਏ ਪੁੱਟ ਚੁਕੀ ਹੈ ਜਦੋਂ ਮਾਮਲਾ ਅਧਿਕਾਰੀਆਂ ਦੇ ਧਿਆਨ ਵਿਚ ਆਇਆ ਤਾਂ ਜੇ ਈ ਰਾਜਦੀਪ ਸਿੰਘ ਨੇ ਤੁਰੰਤ ਹਰਕਤ ਵਿਚ ਆਉਂਦਿਆਂ ਇਹ ਟੋਏ ਬੰਦ ਕਰਵਾਏ|
ਪਟਿਆਲਾ ਨਗਰ ਨਿਗਮ ਦੀ ਕਮ੍ਹਿਨਰ ਪੂਨਮਦੀਪ ਕੋਰ ਨੇ ਕਿਹਾ ਕਿ ਜਿਹੜੀ ਵੀ ਕੰਪਨੀ ਵਲੋਂ ਇਹ ਟੋਏ ਨਗਰ ਨਿਗਮ ਦੀ ਬਿਨਾਂ ਮਨਜੂਰੀ ਲਏ ਪੁੱਟੇ ਗਏ ਹਨ ਉਹਨਾਂ ਵਿਰੁੱਧ ਪਰਚਾ ਦਰਜ ਕਰਵਾਇਆ ਜਾਵੇਗਾ| ਨਗਰ ਨਿਗਮ ਦੀ ਬਣਾਈਆਂ ਸੜਕਾਂ ਨੂੰ ਇਸ ਤਰਾਂ ਕੋਈ ਵੀ ਕੰਪਨੀ ਬਰਬਾਦ ਨਹੀਂ ਕਰ ਸਕਦੀ| ਉਹਨਾਂ ਕਿਹਾ ਕਿ ਨਗਰ ਨਿਗਮ ਦੇ ਅਧਿਕਾਰੀਆਂ ਦੀ ਇਸ ਬਾਬਤ ਵੀ ਡਿਊਟੀ ਲਗਾਈ ਗਈ ਹੈ ਕਿ ਇਹ ਚੈਕ ਕਰਣ ਕਿ ਇਸ ਤੋਂ ਪਹਿਲਾਂ ਹੋਰ ਕਿੱਥੇ ਕਿੱਥੇ ਇਸ ਕੰਪਨੀ ਵਲੋਂ ਗੈਰ ਕਾਨੂੰਨੀ ਤੋਰ *ਤੇ ਟੋਏ ਪੁੱਟੇ ਗਏ ਹਨ ਤਾਂ ਕਿ ਕੰਪਨੀ ਵਿਰੁੱਧ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾ ਸਕੇ|
ਪ੍ਰਾਇਵੇਟ ਕੰਪਨੀਆਂ ਦੀ ਗੁੰਡਾਗਰਦੀ ; ਨਗਰ ਨਿਗਮ ਦੀਆਂ ਬਣਾਈਆਂ ਨਵੀਂ ਸੜਕਾਂ ‘ਤੇ ਪੁੱਟੇ ਬਿਨਾਂ ਮਨਜੂਰੀ ਟੋਏ
