ਪਟਿਆਲਾ 27 ਨਵੰਬਰ, (ਪ੍ਰੈਸ ਕੀ ਤਾਕਤ ਬਿਊਰੋ) : ਈ.ਸੀ.ਈ. ਵਿਭਾਗ ਦੇ ਕਲਚਰ ਕਲੱਬ ਵੱਲੋਂ ਇੰਜ. ਅਮਨਦੀਪ ਕੌਰ ਧਾਲੀਵਾਲ ਦੀ ਅਗਵਾਈ ਵਿੱਚ ਸਾਇੰਓਨਾਰਾ-2019 ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ। ਜਿਸ ਵਿੱਚ ਤੀਜੇ ਸਾਲ ਦੇ ਬੀ.ਟੈੱਕ ਅਤੇ ਪਹਿਲੇ ਸਾਲ ਦੇ ਐਮ.ਟੈਕ ਦੇ ਵਿਦਿਆਰਥੀਆਂ ਨੇ ਕ੍ਰਮਵਾਰ ਚੋਥੇ ਸਾਲ ਦੇ ਬੀ.ਟੈੱਕ ਦੇ ਅਤੇ ਐਮ.ਟੈਕ. (ਭਾਗ ਦੂਜਾ) ਦੇ ਵਿਦਿਆਰਥੀਆਂ ਨੂੰ ਵਿਦਾਇਗੀ ਪਾਰਟੀ ਦਿੱਤੀ। ਜਿਸ ਵਿੱਚ ਡਾ. ਮਨਜੀਤ ਸਿੰਘ ਡਾਇਰੈਕਟਰ ਪਲੇਸਮੈਂਟ, ਡਾ. ਜਸਵਿੰਦਰ ਸਿੰਘ, ਐਸੋਸੀਏਟ ਡਾਇਰੈਕਟਰ ਪਲੇਸਮੈਂਟ ਨੇ ਮੁੱਖ ਮਹਿਮਾਨ ਵੱਜੋਂ ਸ਼ਿਰਕਤ ਕੀਤੀ। ਡਾਇਰੈਕਟਰ ਪਲੇਸਮੈਂਟ ਨੇ ਵਿਦਿਆਰਥੀ ਦੀ ਕੰਪਨੀਆਂ ਵਿੱਚ ਨਿਯੁਕਤੀ ਦੀ ਪੇਸ਼ਕਾਰੀ ਨੂੰ ਸਰਾਇਆ, ਉਨ੍ਹਾਂ ਤੀਜੇ ਸਾਲ ਦੇ ਵਿਦਿਆਰਥੀਆਂ ਨੂੰ ਵੀ ਪ੍ਰੇਰਿਆਂ ਅਤੇ ਭਵਿੱਖ ਵਿੱਚ ਆਉਣ ਵਾਲੀਆਂ ਕੰਪਨੀਆਂ ਦੇ ਵਿੱਚ ਵਧੀਆਂ ਪੇਸ਼ਕਾਰੀ ਵਿਖਾਉਣ ਲਈ ਨੁਕਤੇ ਵੀ ਸਾਂਝੇ ਕੀਤੇ। ਇਸ ਦੌਰਾਨ ਕਰਵਾਏ ਗਏ ਕਲਚਰਲ ਪ੍ਰੋਗਰਾਮ ਵਿੱਚ ਮਿਸ ਸਾਇਓਨਾਰਾ ਦਾ ਖਿਤਾਬ ਅਨੂਪਮਾ ਨੇ ਅਤੇ ਮਿਸਟਰ ਸਾਇਓਨਾਰਾ ਦਾ ਖਿਤਾਬ ਨੀਤੀਨ ਨੇ ਜਿੱਤਿਆ। ਇਸ ਦੌਰਾਨ ਵਿਭਾਗ ਦੇ ਵਿਦਿਆਰਥੀਆਂ ਵੱਲੋਂ ਕਈ ਵੰਨਗੀਆਂ ਜਿਵੇਂਕਿ ਨਾਚ, ਸ਼ਾਇਰੀ, ਗੀਤਕਾਰੀ ਅਤੇ ਭੰਗੜਾ ਆਦਿਕ ਵੀ ਪੇਸ਼ ਕੀਤਾ ਗਿਆ। ਇਸ ਮੌਕੇ ਡਾ. ਐਮ.ਐਸ. ਬੰਮਰਾਂ, ਮੁਖੀ, ਈ.ਸੀ.ਈ. ਨੇ ਵਿਦਿਆਰਥੀਆਂ ਨੂੰ ਉਹਨਾਂ ਦੇ ਆਉਣ ਵਾਲੇ ਭਵਿੱਖ ਲਈ ਸ਼ੁੱਭ ਇਛਾਵਾ ਦਿੱਤੀਆਂ। ਇਸ ਮੌਕੇ ਡਾ. ਗੁਰਮੀਤ ਕੌਰ, ਡਾ. ਰਣਜੀਤ ਕੌਰ, ਡਾ. ਕੁਲਵਿੰਦਰ ਸਿੰਘ, ਡਾ. ਦੀਪਕ ਸੈਣੀ, ਇੰਜ. ਗੋਤਮ ਕੋਸ਼ਲ, ਡਾ. ਸਿਮਰਨਜੀਤ ਸਿੰਘ, ਇੰਜ. ਅਮਨਦੀਪ ਕੌਰ ਧਾਲੀਵਾਲ, ਡਾ ਸੋਨੀਆਂ, ਡਾ. ਅਮਨਦੀਪ ਸਿੰਘ ਸੱਪਲ, ਡਾ. ਹਰਜਿੰਦਰ ਸਿੰਘ, ਡਾ. ਚਰਨਜੀਤ ਸਿੰਘ, ਡਾ. ਰਾਜਬੀਰ ਕੌਰ, ਇੰਜ. ਅੰਮ੍ਰਿਤ ਕੌਰ, ਇੰਜ. ਦੀਪਤੀ ਬਾਂਸਲ, ਇੰਜ. ਮਨਦੀਪ ਕੌਰ ਅਤੇ ਕਈ ਹੋਰ ਸਟਾਫ ਮੈਂਬਰ ਵੀ ਮੌਜੂਦ ਸਨ। 2020 ਸਾਲ ਵਿੱਚ ਪਾਸ ਹੋਣ ਵਾਲੇ ਵਿਦਿਆਰਥੀਆਂ ਲਈ ਇਹ ਸਮਾਗਮ ਯਾਦਗਾਰੀ ਸਮਾਰੌਹ ਵੱਜੋਂ ਨਿਬੜਿਆਂ।
ਈ.ਸੀ.ਈ. ਵਿਭਾਗ ਦੇ ਕਲਚਰ ਕਲੱਬ ਵੱਲੋਂ ਸਾਇੰਓਨਾਰਾ-2019 ਪ੍ਰੋਗਰਾਮ ਆਯੋਜਿਤ
