ਪਟਿਆਲਾ (ਪ੍ਰੈਸ ਕਿ ਤਾਕਤ ਬਯੂਰੋ) ਅੱਜ ਜੰਗਲਾਤ ਵਰਕਰਜ਼ ਯੂਨੀਅਨ ਪੰਜਾਬ, ਮੰਡਲ ਪਟਿਆਲਾ ਇਕਾਈ ਦੇ ਵਰਕਰਾਂ ਵਲੋਂ ਦਫਤਰ ਡੀ.ਐਫ.ਓ. ਪਟਿਆਲਾ ਅੱਗੇ ਚਲ ਰਿਹਾ ਪੱਕਾ ਮੋਰਚਾ 11 ਜਨਵਰੀ ਤੋਂ ਲਗਾਤਾਰ ਜਾਰੀ ਹੈ। ਅੱਜ ਦੇ ਰੋਸ ਧਰਨੇ ਦੀ ਅਗਵਾਈ ਰੇਜ ਪ੍ਰਧਾਨ ਬਲਵਿੰਦਰ ਸਿੰਘ ਮੂੰਗੋ ਤੇ ਜੋਗਾ ਸਿੰਘ ਵਜੀਦਪੁਰ ਨੇ ਕੀਤੀ। ਰੋਸ ਧਰਨੇ ਦੇ ਪ੍ਰਭਾਵ ਨੂੰ ਵੇਖਦਿਆਂ ਅੱਜ ਮੰਡਲ ਪ੍ਰਧਾਨ ਵੀਰਪਾਲ ਸਿੰਘ ਬੰਮਣਾ ਨਾਲ ਫੋਨ ਤੇ ਪ੍ਰਸ਼ਾਸ਼ਨਿਕ ਅਧਿਕਾਰੀ ਉਪ ਮੰਡਲ ਤੇ ਸਿਟੀ ਐਸ.ਪੀ. ਪਟਿਆਲਾ ਵਲੋਂ ਵਿਸਵਾਸ਼ ਦਿਵਾਇਆ ਗਿਆ ਕਿ ਵਰਕਰਾਂ ਦੀਆਂ ਮੁਸ਼ਕਲਾਂ ਬਾਰੇ ਅਸੀਂ ਵਿੱਚ ਪੈ ਕੇ ਜੰਗਲਾਤ ਅਧਿਕਾਰੀਆਂ ਨਾਲ ਮੀਟਿੰਗ ਕਰਵਾ ਕੇ ਹੱਲ ਕਰਾਵਾਗੇ। ਜਿਲਾ ਪ੍ਰਸ਼ਾਸ਼ਨ ਵਲੋਂ ਯੂਨੀਅਨ ਨੁਮਾਇੰਦਿਆ ਨਾਲ 27 ਜਨਵਰੀ 2021 ਨੂੰ ਮੀਟਿੰਗ ਤੈਅ ਕੀਤੀ ਗਈ। ਇਸ ਮੌਕੇ ਧਰਨਾ ਕਾਰੀਆਂ *ਚ ਪਹੁੰਚੇ ਦੱਖਣ ਪ੍ਰਧਾਨ ਬਲਵੀਰ ਸਿੰਘ ਮੰਡੋਲੀ ਤੇ ਲੂੰਬਾ ਨੇ ਕਿਹਾ ਕਿ ਅਗਰ ਇਸ ਮੀਟਿੰਗ ਦੇ ਕੋਈ ਵਰਕਰਾ ਦੀਆਂ ਮੰਗਾਂ ਸਬੰਧੀ ਰੁਕੀਆਂ ਤਨਖਾਹਾਂ ਜਾਰੀ ਕਰਨੀਆਂ, ਸੀਨੀਆਰਤਾ ਸੂਚੀ ਵਿੱਚ ਰਹਿੰਦੇ ਵਰਕਰਾਂ ਦੇ ਨਾਮ ਸ਼ਾਮਲ ਕਰਕੇ ਕਾਪੀ ਯੂਨੀਅਨ ਨੂੰ ਦੇਣੀ, ਮਾਗਨਰੇਗਾ ਨਰਸਰੀ ਵਿਭਾਗੀ ਨਰਸਰੀਆਂ ਤੋਂ ਘੱਟੋ—ਘੱਟ ਪੰਜ ਕਿਲੋ ਮੀਟਰ ਦੀ ਦੂਰੀ ਬਨਾਉਣੀ ਅਤੇ ਵਰਕਰਾਂ ਨਲ ਕੀਤੇ ਜਾਂਦੇ ਪੱਖਪਾਤ ਵਾਲੀ ਨੀਤੀ ਨੂੰ ਬੰਦ ਕਰਨਾ ਆਦਿ ਮੰਗਾਂ ਦਾ ਨਿਪਟਾਰਾ ਨਾ ਕੀਤਾ ਗਿਆ ਤਾਂ ਜਥੇਬੰਦੀ ਵਲੋਂ ਵੱਡੀ ਪੱਧਰ ਤੇ ਸੰਘਰਸ਼ ਸਰਕਾਰ ਦੇ ਡੀ.ਐਫ.ਓ. ਦੇ ਵਿਰੁੱਧ ਵਿੱਢਣ ਦੀ ਚਿਤਾਵਨੀ ਦਿੱਤੀ ਜਾਂਦੀ ਹੈ। ਅੱਜ ਵੀ ਧਰਨੇ ਦੌਰਾਨ ਤਰਸੇਮ ਸਿੰਘ, ਗੁਰਜੰਟ ਸਿੰਘ, ਬਲਵੀਰ ਖਾਂ, ਬਲਕਾਰ ਸਿੰਘ, ਹਰਦੀਪ ਸਿੰਘ ਨੇ ਜੋਰਦਾਰ ਨਾਅਰੇਬਾਜੀ ਕੀਤੀ ਅਤੇ ਪੰਜਾਬ ਸਰਕਾਰ ਤੇ ਡੀ.ਐਫ.ਓ. ਦਾ ਮੁਰਦਾਬਾਦ ਦਾ ਪਿੱਟ ਸਿਆਪਾ ਕੀਤਾ ਗਿਆ।
Sunday, June 21, 2026
© 2023 presskitaquat.com - Powered by AMBIT SOLUTIONS+917488039982