RelatedPosts
ਪਟਿਆਲਾ, 2 ਅਪ੍ਰੈਲ (ਪ੍ਰੈਸ ਕੀ ਤਾਕਤ ਬਿਊਰੋ): ਪਟਿਆਲਾ ਜਿਲ੍ਹੇ ਦੇ ਪੱਤਰਕਾਰਾਂ ਦੀ ਗੌਰਵਮਈ ਸੰਸਥਾ ‘ਪਟਿਆਲਾ ਇਲੈਕਟ੍ਰੋਨਿਕ ਮੀਡੀਆ ਐਸੋਸੀਏਸ਼ਨ’ (ਪੇਮਾ) ਦੀ ਪ੍ਰਧਾਨਗੀ ਦੀ ਚੋਣ ਬੀਤੇ ਦਿਨੀਂ ਰਾਜਿੰਦਰਾ ਜਿੰਮਖਾਨਾ ਅਤੇ ਮਹਿੰਦਰਾ ਕਲੱਬ (ਮਹਾਰਾਣੀ ਕਲੱਬ) ਪਟਿਆਲਾ ਵਿਖੇ ਸੰਪਨ ਹੋਈ ਜਿਸ ਵਿਚ ਪ੍ਰੈਸ ਦੀ ਤਾਕਤ ਮੰਨੇ ਜਾਂਦੇ ਰਾਸ਼ਟਰੀ ਪੁਰਸਕਾਰ ਨਾਲ ਸਨਮਾਨਿਤ ਪੱਤਰਕਾਰ ਅਸ਼ੋਕ ਵਰਮਾ ਨੂੰ ਪ੍ਰਧਾਨ ਚੁਣਿਆ ਗਿਆ ਸੀ ਜਦਕਿ ਸ਼ਿਵ ਨਾਰਾਇਦ ਜਾਂਗੜਾ (ਰਫ਼ਤਾਰ ਨਿਊਜ਼) ਨੂੰ ਬਿਨਾ ਮੁਕਾਬਲੇ ਸੀਨੀਅਰ ਮੀਤ ਪ੍ਰਧਾਨ ਬਣ ਗਏ ਸਨ। ਐਸੋਸੀਏਸ਼ਨ ਦੇ ਬਾਕੀ ਅਹੁਦੇਦਾਰਾਂ ਦੀ ਨਿਯੁਕਤੀ ਅੱਜ ਪਟਿਆਲਾ ਦੇ ਫਲਾਈ ਓਵਰ ਹੋਟਲ ਵਿਖੇ ਐਲਾਨੀ ਗਈ ਜਿਸ ਵਿਚ ਪਟਿਆਲਾ ਦੇ ਪ੍ਰਸਿੱਧ ਵਕੀਲ ਵਰਿੰਦਰ ਦੀਵਾਨ ਨੂੰ ਲੀਗਲ ਐਡਵਾਈਜ਼ਰ ਦੇ ਅਹੁਦੇ ’ਤੇ ਨਵਾਜਿਆ ਗਿਆ ਜਦਕਿ ਜਗਜੀਤ ਸਿੰਘ ਸੱਗੂ, ਅਕਾਲੀ ਪੱਤ੍ਰਿਕਾ, ਬਲਿੰਦਰ ਬਿੰਨੀ ਜ਼ੀ ਨਿਊਜ਼, ਮਨੋਜ ਸ਼ਰਮਾ ਨਿਊਜ਼-18 ਅਤੇ ਜਗਦੀਸ਼ ਗੋਇਲ ਟੀ.ਵੀ-24, ਸਾਰਿਆਂ ਨੂੰ ਮੀਤ ਪ੍ਰਧਾਨ, ਜਸਬੀਰ ਸਿੰਘ ਅੱਜ ਦੀ ਆਵਾਜ਼ ਤੇ ਸਪੋਕਸਮੈਨ ਨੂੰ ਜਨਰਲ ਸਕੱਤਰ ਅਤੇ ਆਜ ਤੱਕ ਦੇ ਮਨੀਸ਼ ਕੌਸ਼ਲ ਨੂੰ ਵਿੱਤ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਪੰਜਾਬ ਸੰਨ ਦੇ ਸੰਨੀ ਅਤੇ ਐਮ ਐੱਚ-ਵਨ ਦੇ ਹਰਿੰਦਰ ਪਾਲ ਰਿੰਕੀ ਨੂੰ ਜੁਆਇੰਟ ਸਕੱਤਰ ਦੀਆਂ ਜਿੰਮੇਵਾਰੀਆਂ ਦਿੱਤੀਆਂ ਗਈਆਂ ਹਨ ਜਦਕਿ ਪ੍ਰੈਸ ਕੀ ਤਾਕਤ ਦੇ ਅਨਿਲ ਕੁਮਾਰ ਵਰਮਾ ਨੂੰ ਪੀ.ਆਰ.ਓ ਅਤੇ ਸਟਾਰ ਕੈਨੇਡਾ ਸਮੇਤ ਹੋਰ ਅਖ਼ਬਾਰ ਲਈ ਕੰਮ ਕਰ ਰਹੇ ਬਲਜੀਤ ਸਿੰਘ ਬੇਦੀ ਨੂੰ ਪ੍ਰੈਸ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਕਾਰਜਕਾਰੀ ਕਮੇਟੀ ਦੇ ਮੈਂਬਰਾਂ ਵਿਚ ਪ੍ਰੈਸ ਪਬਲਿਕ ਅਖ਼ਬਾਰ ਦੇ ਸੰਪਾਦਕ ਕੁਲਦੀਪ ਸਿੰਘ, ਤੇਜ਼ ਚੈਨਲ ਅਤੇ ਸਾਗਰ ਅਖ਼ਬਾਰ ਦੇ ਗੁਰਦੀਪ ਮਹਿਲ, ਚੜ੍ਹਦੀਕਲਾ ਦੇ ਜਸਬੀਰ ਸਿੰਘ ਢੀਂਡਸਾ, ਪਟਿਆਲਾ ਹੈੱਡਲਾਈਨ ਦੇ ਜਤਿਨ ਸਿੰਧੀ, ਪੀਯੂਸ਼ ਗੋਇਲ, ਨਿਊਜ਼ਲਾਈਨ ਐਕਸਪ੍ਰੈਸ ਦੇ ਪ੍ਰਦੀਪ ਸਿੰਘ ਤੇ ਜਮਨਾ ਪ੍ਰਸ਼ਾਦ ਨੂੰ ਲਿਆ ਗਿਆ ਹੈ। ਉਪਰੋਕਤ ਤੋਂ ਅਲਾਵਾ ਪਟਿਆਲਾ ਇਲੈਕਟ੍ਰੋਨਿਕ ਮੀਡੀਆ ਐਸੋਸ਼ੀਏਸ਼ਨ ਦੀ ਸਪੋਰਟਸ ਅਤੇ ਕਲਚਰਲ ਕਮੇਟੀ ਦਾ ਵੀ ਗਠਨ ਕੀਤਾ ਗਿਆ ਹੈ ਜਿਸਦੀ ਅਗਵਾਈ ਕੁਲਦੀਪ ਸਿੰਘ ਕਰਨਗੇ ਅਤੇ ਰਾਜੀਵ ਆਜ਼ਾਦ, ਤਰਨਜੋਤ ਸਿੰਘ, ਹਰਵਿੰਦਰ ਸਿੰਘ ਰਿੰਕੂ, ਡਿੰਪਲ ਵਸ਼ੀਸ਼ਟ ਤੇ ਦਇਆ ਸਿੰਘ ਸਪੋਰਟਸ ਤੇ ਕਲਚਰਲ ਕਮੇਟੀ ਦੇ ਕੰਮ ਸੰਭਾਲਣਗੇ।
ਅੱਜ ਦੀ ਵਿਸ਼ੇਸ਼ ਮੀਟਿੰਗ ਦੌਰਾਨ ਸੰਬੋਧਨ ਕਰਦਿਆਂ ਅਸ਼ੋਕ ਵਰਮਾ, ਸ਼ਿਵ ਨਾਰਾਇਣ ਜਾਂਗੜਾ, ਮਨੋਜ ਸ਼ਰਮਾ, ਬਲਿੰਦਰ ਬਿੰਨੀ, ਜਗਜੀਤ ਸਿੰਘ ਸੱਗੂ, ਜਗਦੀਸ਼ ਗੋਇਲ, ਜਸਬੀਰ ਸਿੰਘ ਅਤੇ ਹੋਰਾਂ ਨੇ ਜਿੱਥੇ ਸਮੂਹ ਪੱਤਰਕਾਰ ਭਾਈਚਾਰੇ ਅਤੇ ਸਮਾਜ ਦੀ ਭਲਾਈ ਲਈ ਵੱਧ ਚੜ੍ਹ ਕੇ ਯੋਗਦਾਨ ਪਾਉਣ ਦਾ ਭਰੋਸਾ ਦਿੱਤਾ, ਉਥੇ ਹੀ ਸਮੂਹ ਹੋਰ ਅਹੁਦੇਦਾਰਾਂ ਤੇ ਮੈਂਬਰਾਂ ਨੇ ਇੱਕ-ਜੁੱਟ ਹੋ ਕੇ ਵੱਧ ਤੋਂ ਵੱਧ ਯੋਗਦਾਨ ਪਾਉਣ ਅਤੇ ਐਸੋਸੀਏਸ਼ਨ ਦੇ ਪ੍ਰਧਾਨ ਨੂੰ ਤਨ ਮਨ ਨਾਲ ਪੂਰਾ ਸਹਿਯੋਗ ਦੇਣ ਦਾ ਦਾਅਵਾ ਕੀਤਾ। ਇਸ ਮੌਕੇ ਐਸੋਸੀਏਸ਼ਨ ਦੇ ਲਗਭਗ ਸਮੂਹ ਪੱਤਰਕਾਰ ਮੈਂਬਰ ਅਤੇ ਅਹੁਦੇਦਾਰ ਹਾਜ਼ਰ ਸਨ।
