ਟੈੱਕ ਡੈਸਕ : 2022 ਆਪਣੇ ਆਖਰੀ ਮੋਡ ‘ਤੇ ਹੈ ਤੇ 2023 ਆਉਣ ਲਈ ਤਿਆਰ ਹੈ। ਇਹ ਸਾਲ ਤਕਨਾਲੋਜੀ ਦੀ ਦੁਨੀਆ ‘ਚ ਇਕ ਵੱਖਰਾ ਬਦਲਾਅ ਲਿਆਇਆ ਹੈ। 2022 ‘ਚ ਕਈ ਨਵੇਂ ਬਦਲਾਅ ਤੇ 5G ਲਾਂਚ ਨੇ ਭਾਰਤ ਨੂੰ ਇਕ ਨਵੀਂ ਦਿਸ਼ਾ ਦਿੱਤੀ ਹੈ। ਪਰ ਅੱਜ ਅਸੀਂ 2022 ਦੇ ਕੁਝ ਅਜਿਹੇ ਨਿਯਮਾਂ ਬਾਰੇ ਗੱਲ ਕਰਾਂਗੇ, ਜੋ 2023 ‘ਚ ਬਦਲ ਜਾਣਗੇ। ਇਨ੍ਹਾਂ ਨਿਯਮਾਂ ਦੇ ਬਦਲਣ ਨਾਲ ਸਾਨੂੰ ਕੁਝ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਤੁਸੀਂ ਦੇਖਿਆ ਹੋਵੇਗਾ ਕਿ ਜਦੋਂ ਵੀ ਤੁਸੀਂ ਭੁਗਤਾਨ ਕਰਦੇ ਹੋ ਅਤੇ ਜੇਕਰ ਤੁਸੀਂ ਭੁਗਤਾਨ ਕਾਰਡ ਨਾਲ ਕਰ ਰਹੇ ਹੋ, ਤਾਂ ਗੂਗਲ ਤੁਹਾਨੂੰ ਕੁਝ ਕਾਰਡ ਵਿਕਲਪ ਦਿਖਾਉਂਦਾ ਹੈ। ਇਨ੍ਹਾਂ ਕਾਰਡਾਂ ਤੋਂ ਪਹਿਲਾਂ ਹੀ ਭੁਗਤਾਨ ਕਰ ਚੁੱਕੇ ਹੋ। ਤੁਸੀਂ ਬਸ ਇੰਨਾ ਕਰਨਾ ਹੁੰਦਾ ਹੈ ਕਿ ਕਵਵ ਭਰਨਾ ਹੈ ਤੇ ਤੁਹਾਡੀ ਪੇਮੈਂਟ ਹੋ ਜਾਂਦੀ ਹੈ।
ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ Google ਤੁਹਾਡੇ ਕਾਰਡ ਨੰਬਰ ਤੇ ਐਕਸਪਾਇਰੀ ਡੇਟ ਨੂੰ ਸੇਵ ਰੱਖਦਾ ਹੈ। ਪਰ 1 ਜਨਵਰੀ 2023 ਤੋਂ ਗੂਗਲ ਇਹ ਜਾਣਕਾਰੀਆਂ ਯਾਦ ਨਹੀਂ ਰੱਖੇਗਾ ਤੇ ਤੁਹਾਨੂੰ ਹਰ ਭੁਗਤਾਨ ਦੇ ਨਾਲ ਡਿਟੇਲ ਭਰਨੀ ਪਵੇਗੀ। ਇਸ ਨਾਲ ਕੁਝ ਪਰੇਸ਼ਾਨੀ ਜ਼ਰੂਰ ਹੋਵੇਗੀ ਪਰ RBI ਨੇ ਯੂਜ਼ਰਜ਼ ਦੀ ਸੁਰੱਖਿਆ ਨੂੰ ਲੈ ਕੇ ਇਹ ਬਦਲਾਅ ਕੀਤੇ ਹਨ।
ਗੂਗਲ ਨੇ ਹਾਲ ਹੀ ‘ਚ ਐਲਾਨ ਕੀਤਾ ਸੀ ਕਿ ਗੂਗਲ ਕ੍ਰੋਮ ਬ੍ਰਾਊਜ਼ਰ ਆਉਣ ਵਾਲੀਆਂ ਵਿੰਡੋਜ਼ 7 ਅਤੇ 8.1 ਲਈ ਕੰਮ ਨਹੀਂ ਕਰੇਗਾ। ਯਾਨੀ ਕਿ 1 ਜਨਵਰੀ ਤੋਂ ਗੂਗਲ ਕ੍ਰੋਮ ਵਿੰਡੋਜ਼ 7 ਅਤੇ 8.1 ‘ਤੇ ਕੰਮ ਕਰਨ ਵਾਲੇ ਲੈਪਟਾਪ ‘ਤੇ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਅਜਿਹੇ ‘ਚ ਯੂਜ਼ਰਜ਼ ਜੋ ਇਸ ਦੀ ਵਰਤੋਂ ਕਰ ਰਹੇ ਹਨ, ਉਨ੍ਹਾਂ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ।
ਗੂਗਲ ਨੇ ਇਸ ਸਾਲ ਇਕ ਵੱਡਾ ਐਲਾਨ ਕੀਤਾ ਜਿਸ ਤਹਿਤ ਉਸ ਨੇ ਆਪਣੀ ਗੇਮਿੰਗ ਸਹੂਲਤ Google Stadia ਨੂੰ ਬੰਦ ਕਰ ਦਿੱਤਾ ਹੈ। ਇਹ ਸਹੂਲਤ 18 ਜਨਵਰੀ ਤਕ ਕੰਮ ਕਰੇਗੀ। Google ਫਿਰ Stadia ਲਈ ਪਲੇਅ ਸਟੋਰ ਤੋਂ ਯੂਜ਼ਰਜ਼ ਵੱਲੋਂ ਖਰੀਦੀ ਗਈ ਸਾਰੀ ਗੇਮ ਸਮੱਗਰੀ ਨੂੰ ਵਾਪਸ ਕਰ ਦੇਵੇਗਾ।
