ਪਸ਼ੂ ਪਾਲਣ ਕਾਮਿਆਂ ਘੇਰਿਆ ਡਿਪਟੀ ਡਾਇਰੈਕਟਰ ਦਫਤਰ

ਪਟਿਆਲਾ(ਪ੍ਰੈਸ ਕੀ ਤਾਕਤ ਬਿਊਰੋ):ਪਸ਼ੂ ਪਾਲਣ ਵਰਕਰਜ਼ ਯੂਨੀਅਨ ਵਲੋਂ ਆਪਣੀਆਂ ਰਹਿੰਦੀਆਂ ਤਨਖਾਹਾਂ ਜਾਰੀ ਕਰਵਾਉਣ ਲਈ ਕੜਾਕੇ ਦੀ ਠੰਡ ਵਿੱਚ ਰੋਸ ਧਰਨਾ ਦਿੱਤਾ ਗਿਆ। ਇਸ ਧਰਨੇ ਦੀ ਅਗਵਾਈ ਦਰਸ਼ਨ ਸਿੰਘ ਬੇਲੂਮਾਜਰਾ, ਚਮਕੌਰ ਸਿੰਘ ਧਾਰੋਕੀ, ਗੁਰਮੀਤ ਸਿੰਘ ਪੇਦਨ, ਦਿਆਲ ਸਿੰਘ ਸਿੱਧੂ, ਨੇ ਕੀਤੀ ਮੁੁਲਾਜਮ ਆਗੂਆਂ ਨੇ ਕਿਹਾ ਕਿ ਗੂਗਲ ਗ੍ਰਾਂਮ ,ਰੋਣੀ ਫਾਰਮ ਤੇ ਨਾਭਾ ਦੇ ਕੱਚੇ ਕਾਮਿਆਂ, ਦੋ ਮਹੀਨਿਆ ਤੋ ਤਨਖਾਹ ਨਹੀਂ ਦਿੱਤੀ। ਇਸ ਕਰਕੇ ਪਸ਼ੂ ਪਾਲਣ ਵਰਕਰ ਭਾਰੀ ਰੋਸ ਅਤੇ ਬੇਚੈਨੀ ਦੀ ਜਿੰਦਗੀ ਬਤੀਤ ਕਰ ਰਹੇ ਹਨ ਅਤੇ ਮਹਿੰਗਾਈ ਯੁੱਗ ਵਿੱਚ ਆਪਣੀ ਜਿੰਦਗੀ ਬਸਰ ਕਰਨੀ ਬਹੁਤ ਔਖੀ ਹੈ। ਇਸ ਧਰਨੇ ਨੂੰ ਸੰਬੋਧਨ ਕਰਦਿਆਂ ਜਸਵਿੰਦਰ ਸੌਜਾ, ਮੇਜਰ ਉਰਫ ਰਾਮਗੜ੍ਹ, ਰਾਜਿੰਦਰ ਸਿੰਘ ਧਾਰੀਵਾਲ, ਵਿਪਨ ਕੁਮਾਰ ਨੇ ਕਿਹਾ ਕਿ ਮਾਨਯੋਗ ਹਾਈਕੋਰਟ ਦਾ ਫੈਸਲਾ ਲਾਗੂ ਕਰਕੇ ਬਰਾਬਰ ਕੰਮ ਬਰਾਬਰ ਤਨਖਾਹ ਦਿੱਤੀ ਜਾਵੇ ਤੇ ਕੱਚੇ ਕਾਮਿਆਂ ਦੀਆਂ ਲਿਸਟਾਂ ਸਰਕਾਰ ਨੂੰ ਭੇਜੀਆਂ ਜਾਣ ਤੇ ਪੱਕੇ ਕਾਮਿਆਂ ਦੀ ਰਹਿੰਦੀਆਂ ਮੰਗਾਂ ਪੂਰੀਆਂ ਕੀਤੀਆ ਜਾਣ ! ਭੜਕੇ ਵਿਭਾਗ ਦੇ ਕੱਚੇ ਕਾਮਿਆਂ ਨੇ ਦੁਖੀ ਹੋ ਕੇ ਡਿਪਟੀ ਡਾਇਰੈਕਟਰ ਦਫਤਰ ਨੁੰ ਘੇਰਿਆ ਤਾਂ ਪਰਸਾਸਨ ਤੇ ਪੁਲਿਸ ਨੇ ਅਧਿਕਾਰੀਆਂ ਨਾਲ ਤਾਲਮੇਲ ਕਰਕੇ ਇੱਕ ਮਹੀਨੇ ਦੀ ਫੌਰੀ ਤਨਖਾਹ ਜਾਰੀ ਕਰਵਾਈ ਅਤੇ ਰਹਿੰਦੀ ਤਨਖਾਹ ਤੇ ਬਾਕੀ ਮੰਗਾਂ ਦਾ ਛੇਤੀ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ ਤਾਂ ਕਿਤੇ ਜਾ ਕੇ ਪਸ਼ੂ ਪਾਲਣ ਕਾਮੇ ਸ਼ਾਂਤ ਹੋਏ। ਇਸ ਇਕੱਤਰਤਾ ਵਿੱਚ ਹੋਰਨਾਂ ਤੋਂ ਇਲਾਵਾ ਸੁਰਜੀਤ ਸਿੰਘ, ਗੁਰਮੀਤ ਸਿੰਘ, ਦਵਿੰਦਰ ਸਿੰਘ, ਮੋਤੀ ਰਾਮ, ਰਾਜਬੀਰ ਗੂਗਲ ਗ੍ਰਾਮ, ਇਕਬਾਲ ਰੋਹਟੀ ਤੇ ਭਜਨ ਸਿੰਘ ਲੰਗ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਜੇਕਰ ਡਿਪਟੀ ਡਰਾਇਕਟਰ ਵੱਲੋਂ ਵਾਅਦਾ ਖਿਲਾਫੀ ਕੀਤੀ ਜਾਂਦੀ ਹੈ ਤਾਂ ਵੱਡਾ ਇਕੱਠ ਕਰਕੇ ਰਸਤਾ ਜਾਮ ਕਰਨ ਲਈ ਮਜਬੂਰ ਹੋਣਾ ਪਵੇਗਾ ਜਿਸ ਦੇ ਸਿੱਟੇ ਦੇ ਜਿੰਮੇਵਾਰ ਡਿਪਟੀ ਡਾਇਰੈਕਟਰ ਹੋਣਗੇ।