ਆਸ਼ਾ ਵਰਕਰ ਅਤੇ ਫੈਸਿਲੀਟੇਟਰ ਯੂਨੀਅਨ ਦੀਆਂ ਮੰਗਾਂ ਦਾ ਨਿਪਟਾਰਾ ਨਾਂ ਹੋਣ ਕਾਰਨ ਪੰਜਾਬ ਸਰਕਾਰ ਖ਼ਿਲਾਫ਼ ਭਾਰੀ ਰੋਸ- ਮਨਜੀਤ ਕੌਰ ਖਾਲਸਾ

ਅਮਰਗੜ੍ਹ, ਮਾਲੇਰਕੋਟਲਾ 5 ਮਾਰਚ : (ਰਾਜੇਸ਼ ਸ਼ਰਮਾ) ਆਸ਼ਾ ਵਰਕਰ ਅਤੇ ਫੈਸਿਲੀਟੇਟਰ ਯੂਨੀਅਨ ਦੀ ਜ਼ਿਲ੍ਹਾ ਪ੍ਰਧਾਨ ਮਨਜੀਤ ਕੌਰ ਖਾਲਸਾ ਲਸੋਈ ਮਾਲੇਰਕੋਟਲਾ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੂਬਾ ਪ੍ਰਧਾਨ ਕਿਰਨਦੀਪ ਕੌਰ ਪੰਜੋਲਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਮਿਤੀ 2 ਮਾਰਚ ਤੋਂ ਲਗਾਤਾਰ ਲੜੀਵਾਰ ਰੋਸ ਪ੍ਰਦਰਸ਼ਨ ਪੰਜਾਬ ਦੇ ਕੋਨੇ ਕੋਨੇ ਵਿੱਚ ਕੀਤੇ ਜਾ ਰਹੇ ਸਨ ਅਤੇ ਵਿਧਾਨ ਸਭਾ ਦਾ ਘਿਰਾਓ ਕੀਤਾ ਜਾਵੇਗਾ। ਜ਼ਿਲ੍ਹਾ ਪ੍ਰਧਾਨ ਮਨਜੀਤ ਕੌਰ ਖਾਲਸਾ ਅਤੇ ਭੋਲੀ ਸੀਨੀਅਰ ਪ੍ਰਧਾਨ ਨੇ ਸਾਂਝੇ ਬਿਆਨ ਵਿੱਚ ਦੱਸਿਆ ਕਿ ਇਹ ਫੈਸਲਾ ਸਟੇਟ ਕਮੇਟੀ ਦੀ ਮੀਟਿੰਗ ਵਿੱਚ ਲਿਆ ਗਿਆ ਹੈ ਜੇਕਰ ਪੰਜਾਬ ਸਰਕਾਰ ਬਜਟ ਸੈਸ਼ਨ ਵਿੱਚ ਸਾਡੀਆਂ  ਮੰਗਾਂ ਦੀ ਪੂਰਤੀ ਲਈ ਬਜਟ ਰੱਖਵਾਂ  ਨਹੀਂ ਰੱਖਦੀ ਤਾਂ ਆਉਣ ਵਾਲੇ ਦਿਨਾਂ ਦੇ ਵਿੱਚ ਸੰਘਰਸ਼ ਦੀ ਰੂਪ ਰੇਖਾ ਹੋਰ ਵੀ ਤੇਜ ਕੀਤੀ ਜਾਵੇਗੀ ਅਤੇ ਪੰਜਾਬ ਭਰ ਦੀਆਂ ਵਰਕਰਾਂ ਵਿੱਚ ਇਸ ਗੱਲ ਦਾ ਰੋਸ ਹੈ ਕਿ ਲਗਭਗ ਚਾਰ ਸਾਲ ਬੀਤ ਜਾਣ ਮਗਰੋਂ ਵੀ ਸਾਡੀਆਂ ਵਰਕਰਾਂ ਦੀਆਂ ਲਮਕ ਰਹੀਆਂ ਮੰਗਾਂ ਦਾ ਨਿਪਟਾਰਾ ਨਹੀਂ ਕੀਤਾ ਗਿਆ ਜਿਸ ਕਰਕੇ ਪੰਜਾਬ ਭਰ ਦੀਆਂ ਵਰਕਰਾਂ ਵਿੱਚ ਬਹੁਤ ਭਾਰੀ ਰੋਸ ਪਾਇਆ ਜਾ ਰਿਹਾ  ਹੈ। ਉਮੀਦ ਹੈ ਕਿ ਇਸ ਬਜਟ ਸੈਸ਼ਨ ਵਿੱਚ ਸਾਡਾ ਬਜਟ ਸਰਕਾਰ ਰੱਖੇਗੀ ਤੇ ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ  ਮੰਤਰੀਆਂ ਦੇ ਘਰਾਂ ਦੇ ਘਰਾਓ ਅਤੇ ਵਿਧਾਨ ਸਭਾ ਸੈਸ਼ਨ ਦਾ ਘਿਰਾਓ ਕੀਤਾ ਜਾਵੇਗਾ ਇਸ ਮੌਕੇ ਬਲਜੀਤ ਕੌਰ ਫੈਸਿਲੀਟੇਟਰ ਮੋਰਾਂਵਾਲੀ , ਬਲਵੀਰ ਕੌਰ ਫੈਸਿਲੀਟੇਟਰ ਸੇਹਕੇ, ਮਨਪ੍ਰੀਤ ਕੌਰ ਫੈਸਿਲੀਟੇਟਰ ਅਮਰਗੜ੍ਹ, ਕਮਲਜੀਤ ਕੌਰ ਮੰਨਵੀਂ , ਗੁਰਮੀਤ ਕੌਰ ਬੁਲਾਂਪੁਰ, ਨਾਸਰਾਂ ਫੈਸਿਲੀਟੇਟਰ, ਸਰਬਜੀਤ ਕੌਰ ਨਿਆਮਪੁਰ, ਰਿੰਪੀ ਭੁਰਥਲਾ ਮੰਡੇਰ, ਸਰਬਜੀਤ ਕੌਰ ਬਨਭੋਰਾ , ਜਹਾਨਵੀਂ ਸਰਵਰਪੁਰ, ਪਰਮਜੀਤ ਕੌਰ ਸਰੋਦ, ਹਬੀਬਾ ਹਥਣ ਅਤੇ ਹੋਰ ਆਸ਼ਾ ਵਰਕਰ ਸਰਬਜੀਤ ਕੌਰ ਲਾਂਗੜੀ ਆਦਿ ਇਸ ਮੌਕੇ ਹਾਜ਼ਰ ਰਹੇ ਸਨ।