ਮਾਲੇਰਕੋਟਲਾ, 23 ਮਾਰਚ (ਰਾਜੇਸ਼ ਸ਼ਰਮਾ)
ਮਾਲੇਰਕੋਟਲਾ ਦੇ ਉੱਘੇ ਵਾਤਾਵਰਨ ਪ੍ਰੇਮੀ, ਸਮਾਜਸੇਵੀ ਅਤੇ ਇਟਰਨੈਸ਼ਨਲ ਪੀਸ ਅਵਾਰਡੀ ਅਤੇ ਕੇ ਐਸ ਗਰੁੱਪ ਦੇ ਚੇਅਰਮੈਨ ਸਰਦਾਰ ਇੰਦਰਜੀਤ ਸਿੰਘ ਮੁੰਡੇ ਜੀ ਦੀ ਅਗਵਾਈ ਹੇਠ ਮਹੰਤ ਹਰਪਾਲ ਦਾਸ ਮੁੱਖ ਸੇਵਾਦਾਰ (ਪ੍ਰਮੁੱਖ ਉਦਾਸੀਨ ਆਸ਼ਰਮ ਪਿੰਡ ਇਮਾਮਗੜ੍ਹ) ਦੇ ਸਹਿਯੋਗ ਨਾਲ ਪੁਨਰਜੋਤ ਨੇਤਰਦਾਨ ਸਭਾ ਮਾਲੇਰਕੋਟਲਾ ਵੱਲੋਂ ਨੌਵਾਂ ਅੱਖਾ ਦਾ ਮੁਫਤ ਚੈਕ-ਅੱਪ ਕੈਂਪ ਅਤੇ ਲੈਂਜ ਪਾਉਣ ਦਾ ਕੈਂਪ ਉਦਾਸੀਨ ਆਸ਼ਰਮ, ਇਮਾਮਗੜ ਵਿਖੇ ਮਿਤੀ 25 ਮਾਰਚ 2026 ਦਿਨ ਬੁੱਧਵਾਰ ਨੂੰ ਸਵੇਰੇ 9:00 ਵਜੇ ਤੋਂ ਦੁਪਹਿਰ 1 ਵਜੇ ਤੱਕ ਲਗਾਇਆ ਜਾ ਰਿਹਾ ਹੈ। ਜਿਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕੇ.ਐਸ. ਗਰੁੱਪ ਦੇ ਐਮ.ਡੀ. ਅਤੇ ਪੁਨਰਜੋਤ ਨੇਤਰਦਾਨ ਸਭਾ (ਰਜਿ.) ਦੇ ਚੇਅਰਮੈਨ ਸ. ਇੰਦਰਜੀਤ ਸਿੰਘ ਮੁੰਡੇ ਨੇ ਦੱਸਿਆ ਕਿ ਅੱਖਾਂ ਦੇ ਮਹਿਰ ਡਾ. ਰਮੇਸ਼ ਮਨਸੂਰਾਂ ਵਾਲੇ (ਸਟੇਟ ਐਵਾਰਡੀ) ਅੱਖਾਂ ਦੀ ਜਾਂਚ ਕਰਨਗੇ। ਇਸ ਤੋਂ ਇਲਾਵਾ ਡਾ. ਰਫੀਆ ਬੱਤੇ ਬੀ.ਏ.ਐਮ.ਐਸ.(ਪੀ.ਬੀ.) ਔਰਤਾਂ ਦੀਆਂ ਬਿਮਾਰੀਆਂ ਦੀ ਮੁਫ਼ਤ ਜਾਂਚ ਕਰਨਗੇ। ਪ੍ਰਧਾਨ ਵੈਦ ਮੋਹਨ ਲਾਲ ਧੀਮਾਨ ਨੇ ਦੱਸਿਆ ਕਿ ਅਜਿਹੇ ਕੈਂਪ ਲਗਾਉਣ ਦਾ ਮਕਸਦ ਲੋਕਾਂ ਨੂੰ ਮੁਫ਼ਤ ਅਤੇ ਵਧੀਆ ਸਿਹਤ ਸਹੂਲਤਾਂ ਲਈ ਪ੍ਰਦਾਨ ਕਰਨਾ ਹੈ, ਖ਼ਾਸ ਕਰਕੇ ਉਹਨਾਂ ਜ਼ਰੂਰਤਮੰਦ ਲਈ ਜੋ ਮਹਿੰਗੇ ਇਲਾਜ਼ ਨਹੀਂ ਕਰਵਾ ਸਕਦੇ। ਪ੍ਰਧਾਨ ਵੈਦ ਮੋਹਨ ਲਾਲ ਨੇ ਇਹ ਵੀ ਕਿਹਾ ਕਿ ਅੱਖਾਂ ਦੀ ਬਿਮਾਰੀ ਨੂੰ ਅਣਡਿੱਠਾ ਕਰਨ ਨਾਲ ਵੱਡੇ ਨੁਕਸਾਨ ਹੋ ਸਕਦੇ ਹਨ, ਇਸ ਲਈ ਸਮੇਂ-ਸਿਰ ਜਾਂਚ ਕਰਵਾਉਣਾ ਬਹੁਤ ਜ਼ਰੂਰੀ ਹੈ। ਉਨਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਵੱਧ ਤੋਂ ਵੱਧ ਗਿਣਤੀ ਵਿੱਚ ਜ਼ਰੂਰਤਮੰਦਾਂ ਨੂੰ ਕੈਂਪ ਵਿੱਚ ਪਹੁੰਚ ਕੇ ਆਪਣੀਆਂ ਅੱਖਾਂ ਦੀ ਜਾਂਚ ਕਰਵਾਉਣੀ ਚਾਹੀਦੀ ਹੈ ਅਤੇ ਇਸ ਮੁਫ਼ਤ ਕੈਂਪ ਦੀ ਸਹੂਲਤ ਦਾ ਫਾਇਦਾ ਲੈਣਾ ਚਾਹੀਦਾ ਹੈ। ਇਹ ਕੈਂਪ ਲੋਕ ਭਲਾਈ ਲਈ ਸਮਰਪਿਤ ਹੈ ਅਤੇ ਹਰ ਵਰਗ ਦੇ ਲੋਕਾਂ ਲਈ ਖੁੱਲ੍ਹਾ ਸੱਦਾ ਹੈ। ਇਸ ਮੌਕੇ ਪ੍ਰਧਾਨ ਵੈਦ ਮੋਹਨ ਲਾਲ ਦੇ ਨਾਲ ਸਭਾ ਦੇ ਉਪ ਪ੍ਰਧਾਨ ਮੁਹੰਮਦ ਇਸਹਾਕ, ਉਪ ਪ੍ਰਧਾਨ ਅਮਰਜੀਤ ਸਿੰਘ ਹੁੰਜਨ, ਕੈਸ਼ੀਅਰ ਮੁਹੰਮਦ ਅਨਵਰ, ਜਨਰਲ ਸਕੱਤਰ ਚਰਨਦਾਸ ਸੌਂਦ, ਮੈਂਬਰ ਸਾਬਰ ਜੋਸ਼ ਆਦਿ ਹਾਜ਼ਰ ਸਨ।
