ਗੋਨੇਆਣਾ/ਬਠਿੰਡਾ 2 ਜਨਵਰੀ
ਇੰਦਰਜੀਤ ਕਾਲੜਾ
ਹਿੱਟ ਅਤੇ ਰਨ ਨੂੰ ਲੈ ਕੇ ਕੇਂਦਰ ਸਰਕਾਰ ਦੇ ਨਵੇਂ ਕਾਨੂੰਨ ਦਾ ਬਸ ਅਤੇ ਟਰੱਕ ਡਰਾਈਵਰ ਦੇਸ਼ ਭਰ ਵਿੱਚ ਵਿਰੋਧ ਕਰ ਰਹੇ ਹਨ।… ਪੰਜਾਬ ਸਮੇਤ ਜਿਆਦਾਤਰ ਸੂਬਿਆਂ ਵਿੱਚ ਟਰੱਕ ਅਤੇ ਟਿੱਪਰ ਡਰਾਈਵਰਾਂ ਨੇ ਚੱਕਾ ਜਾਮ ਕਰ ਦਿੱਤਾ. ਇਹਨਾਂ ਦੀ ਹੜਤਾਲ ਦਾ ਦੂਜਾ ਦਿਨ ਹੈ. ਜਿਸ ਕਾਰਨ ਕਈ ਜਗ੍ਹਾ ਦੇ ਉੱਪਰ ਡੀਜ਼ਲ ਅਤੇ ਪੈਟਰੋਲ ਦੀ ਭਾਰੀ ਕਮੀ ਹੋ ਗਈ ਹੈ.. ਜਿਸ ਕਾਰਨ ਪੈਟਰੋਲ ਪੰਪਾਂ ਉੱਪਰ ਭੀੜ ਦਾ ਮਾਹੌਲ ਹੈ ਅਤੇ ਕਈ ਥਾਵੇਂ ਹਾਹਾਕਾਰ ਵਰਗੀ ਸਥਿਤੀ ਬਣੀ ਹੋਈ ਹੈ।
ਦਰਅਸਲ ਕੇਂਦਰ ਸਰਕਾਰ ਨੇ ਹਾਲ ਹੀ ਵਿੱਚ ਅਪਰਾਧ ਨੂੰ ਲੈ ਕੇ ਕੁਝ ਨਵੇਂ ਕਾਨੂੰਨ ਬਣਾਏ ਹਨ ਹਿੱਟ ਐਂਡ ਰਨ ਮਾਮਲੇ ਵਿੱਚ ਹੁਣ ਜੇਕਰ ਕੋਈ ਟਰੱਕ ਡੰਪਰ ਜਾਂ ਵੱਸ ਡਰਾਈਵਰ ਕਿਸੇ ਬੰਦੇ ਨੂੰ ਕੁਚਲ ਕੇ ਭੱਜ ਜਾਂਦਾ ਹੈ ਤਾਂ ਉਸ ਉੱਪਰ ਭਾਰਤੀ ਨਿਆਏ ਸੰਹਿਤਾ ਧਾਰਾ 104(2) ਲਾਪਰਵਾਹੀ ਨਾਲ ਮੌਤ ਤਹਿਤ ਪਰਚਾ ਦਰਜ ਹੋਵੇਗਾ ਜਿਸ ਵਿਚ 10 ਸਾਲ ਦੀ ਸਜ਼ਾ ਹੋ ਸਕਦੀ ਇਸ ਤੋਂ ਇਲਾਵਾ ਪੰਜ ਤੋਂ ਸੱਤ ਲੱਖ ਰੁਪਏ ਤੱਕ ਦਾ ਜੁਰਮਾਨਾ ਵੀ ਹੋ ਸਕਦਾ ਹੈ..
ਇਸ ਤੋਂ ਪਹਿਲਾਂ ਆਰੋਪੀ ਡਰਾਈਵਰ ਨੂੰ ਕੁਝ ਦਿਨਾਂ ਦੇ ਅੰਦਰ ਹੀ ਜਮਾਨਤ ਮਿਲ ਜਾਂਦੀ ਸੀ। ਉਸ ਉੱਪਰ ipc ਦੀ ਧਾਰਾ 279 ( ਲਾਪਰਵਾਹੀ ਨਾਲ ਗੱਡੀ ਚਲਾਉਣਾ) 304A ( ਲਾਪਰਵਾਹੀ ਕਾਰਨ ਮੌਤ) 338 ( ਕਿਸੇ ਦੀ ਜਾਨ ਜੋਖਮ ਵਿੱਚ ਪਾਉਣਾ) ਅਤੇ ਸਜ਼ਾ ਵੀ ਸਿਰਫ ਦੋ ਸਾਲ ਤੱਕ ਦੀ ਹੁੰਦੀ ਸੀ।
ਹੁਣ ਇਹ ਸਜ਼ਾ ਨੂੰ ਵਧਾ ਕੇ 10 ਸਾਲ ਤੱਕ ਦਾ ਕਰ ਦਿੱਤਾ ਗਿਆ ਹੈ।..
ਇਸ ਸੋਧ ਦਾ ਹੀ ਜ਼ਿਆਦਾਤਰ ਡਰਾਈਵਰ ਵਿਰੋਧ ਕਰ ਰਹੇ ਹਨ। ਕਿਉਂਕਿ ਉਹਨਾਂ ਦਾ ਮੰਨਣਾ ਹੈ ਕਿ ਹਮੇਸ਼ਾ ਗਲਤੀ ਵੱਡੀ ਗੱਡੀ ਵਾਲੇ ਦੀ ਹੀ ਕੱਢੀ ਜਾਂਦੀ ਹੈ।.. ਅਤੇ ਉਹ ਕਿਸੇ ਹੋਰ ਦੀ ਗਲਤੀ ਕਾਰਨ 10 ਸਾਲ ਤੱਕ ਦੀ ਸਜ਼ਾ ਤੇ ਲੱਖਾਂ ਰੁਪਏ ਜੁਰਮਾਨਾ ਭਰਨ ਲਈ ਨਹੀਂ ਤਿਆਰ ਹਨ।
ਜਿਕਰਯੋਗ ਹੈ ਕਿ ipc 304a ਨੂੰ BNS 104 ਨਾਲ ਬਦਲ ਦਿੱਤਾ ਗਿਆ ਹੈ…
