ਇਸ ਸਾਲ ਚਾਰਧਾਮ ਯਾਤਰਾ ਲਈ ਆਉਣ ਵਾਲੇ ਸ਼ਰਧਾਲੂਆਂ ਦੀ ਹੋਵੇਗੀ ਸਿਹਤ ਦੀ ਮੁਫ਼ਤ ਜਾਂਚ

ਦੇਹਰਾਦੂਨ,26-03-23(ਪ੍ਰੈਸ ਕਿ ਤਾਕਤ ): ਇਸ ਸਾਲ ਚਾਰਧਾਮ ਯਾਤਰਾ ਲਈ ਆਉਣ ਵਾਲੇ ਸ਼ਰਧਾਲੂਆਂ ਦੀ ਸਿਹਤ ਦੀ ਮੁਫ਼ਤ ਜਾਂਚ ਹੋਵੇਗੀ। ਖ਼ਾਸ ਤੌਰ ’ਤੇ ਦਿਲ ਦੇ ਮਰੀਜ਼ਾਂ ਬਾਰੇ ਸ਼ੁਰੂਆਤੀ ਜਾਣਕਾਰੀ ਇਸ ਜਾਂਚ ’ਚ ਮਿਲ ਸਕੇਗੀ। ਬੀਤੇ ਸਾਲ ਯਾਤਰੀਆਂ ਨੂੰ ਸਿਹਤ ਸਬੰਧੀ ਪਰੇਸ਼ਾਨੀ ਤੇ ਦਿਲ ਦਾ ਦੌਰਾ ਪੈਣ ਨਾਲ ਹੋਈਆਂ ਮੌਤਾਂ ਨੂੰ ਦੇਖਦੇ ਹੋਏ ਸਰਕਾਰ ਇਸ ਵਾਰ ਸਾਵਧਾਨੀ ਵਰਤਦੇ ਹੋਏ ਇਹ ਕਦਮ ਚੁੱਕ ਰਹੀ ਹੈ। ਯਾਤਰਾ ਮਾਰਗਾਂ ਸਣੇ ਗੜਵਾਲ ਡਵੀਜ਼ਨ ਦੀਆਂ ਚਿਕਿਤਸਾ ਇਕਾਈਆਂ ’ਚ 50 ਹੈਲਥ ਏਟੀਐੱਮ ਸਥਾਪਿਤ ਕੀਤੇ ਜਾਣਗੇ। ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ 24 ਅਪ੍ਰੈਲ ਨੂੰ ਹੈਲਥ ਏਟੀਐੱਮ ਸ਼ੁਰੂ ਕਰਨਗੇ।