ਰੂਪਨਗਰ ਨੇੜੇ ਆਮਿਰ ਖ਼ਾਨ ਦੀ ‘ਲਾਲ ਸਿੰਘ ਚੱਡਾ’ ਦੀ ਸ਼ੂਟਿੰਗ ਮੁੜ ਸ਼ੁਰੂ ਹੋਵੇਗੀ

ਨੂਰਪੁਰ ਬੇਦੀ, 7 ਫਰਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ):- ਬਾਲੀਵੁੱਡ ਅਦਾਕਾਰ ਆਮਿਰ ਖ਼ਾਨ ਦੀ ਨਵੀਂ ਆਉਣ ਵਾਲੀ ਫ਼ਿਲਮ ‘ਲਾਲ ਸਿੰਘ ਚੱਡਾ’ ਦੀ ਸ਼ੂਟਿੰਗ ਰੂਪਨਗਰ ਲਾਗੇ ਪਿੰਡ ਗੜ੍ਹ ਡੋਲੀਆਂ ਵਿਖੇ ਮੁੜ ਸ਼ੁਰੂ ਹੋਣ ਜਾ ਰਹੀ ਹੈ। ਸ਼ਿਵਾਲਕ ਦੀਆਂ ਪਹਾੜੀਆਂ ਅਤੇ ਸਤਲੁਜ ਦਰਿਆ ਦੇ ਵਿਚਕਾਰ ਇੱਕ ਫਾਰਮ ਹਾਊਸ ‘ਚ ਬਣਾਏ ਗਏ ਵਿਸ਼ੇਸ਼ ਫ਼ਿਲਮੀ ਸੈੱਟ ਦੌਰਾਨ ਆਮਿਰ ਖਾਨ ਫ਼ਿਲਮ ਦੀ ਸ਼ੂਟਿੰਗ ਕਰਨਗੇ। ਉਨ੍ਹਾਂ ਦੇ ਨਾਲ ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਵੀ ਆਪਣਾ ਰੋਲ ਅਦਾ ਕਰੇਗੀ ।ਫ਼ਿਲਮ ਦੀ ਸ਼ੂਟਿੰਗ ਲਈ ਸਤਲੁਜ ਦਰਿਆ ਲਾਗੇ ਇੱਕ ਵਿਸ਼ੇਸ਼ ਬੰਗਲਾ ਬਣਾਇਆ ਗਿਆ ਹੈ।