ਪਟਿਆਲਾ 30 ਜਨਵਰੀ (ਪ੍ਰੈਸ ਕੀ ਤਾਕਤ ਬਿਊਰੋ):- ਲੱਗਭਗ ਅੱਧੀ ਸਦੀ ਤੋਂ ਨਿਰਵਿਘਨ ਤੇ ਨਿਰਸਵਾਰਥ ਸਮਰਪਿਤ ਭਾਵਨਾ ਨਾਲ ਗੀਤ ਸੰਗੀਤ ਤੇ ਹਿੰਦੀ ਭਾਸ਼ਾ ਦੀ ਪ੍ਰਫੁੱਲਤਾ ਲਈ ਸ਼ਲਾਘਾਯੋਗ ਯੋਗਦਾਨ ਪਾ ਰਹੀ ਰਾਮ ਸੰਗੀਤ ਸਭਾ ਪਟਿਆਲਾ ਵਲੋਂ ਵਿਸ਼ਾਲ ਬਸ਼ੀਰ ਮਹਾਂਉਤਸਵ ਰਾਮ ਆਡੀਟੋਰੀਅਮ ਵਿਖੇ ਆਯੋਜਿਤ ਕੀਤਾ ਗਿਆ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਮੇਘ ਚੰਦ ਸੇਰਮਾਜਰਾ ਚੇਅਰਮੈਨ ਨਗਰ ਸੁਧਾਰ ਟਰੱਸਟ ਪਟਿਆਲਾ ਸਨ। ਉੱਘੇ ਸਮਾਜਸੇਵੀ ਵਾਤਾਵਰਣ ਤੇ ਕਲਾ ਪ੍ਰੇਮੀ ਰੋਟੇਰੀਅਨ ਭਗਵਾਨ ਦਾਸ ਗੁੱਪਤਾ ਪ੍ਰਧਾਨ ਰੌਟਰੀ ਕਲੱਬ ਪਟਿਆਲਾ ਮਿਡ ਟਾਊਨ ਚੇਅਰਮੈਨ ਮੀਡੀਆ ਤੇ ਮਨੋਰੰਜਨ ਰੋਟਰੀ ਇੰਟਰਨੈਸ਼ਨਲ 3090 ਅਤੇ ਸਮਾਜਸੇਵਿਕਾ ਮੀਨੂ ਪੁਰੀ ਸੰਸਥਾਪਕ “ਥੋੜਾ ਸਾ ਆਸਮਾਨ” ਨੇ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਿਰਕਤ ਕੀਤੀ। ਪ੍ਰੋਗਰਾਮ ਦਾ ਸੁੱਭ ਆਰੰਭ ਮੁੱਖ ਮਹਿਮਾਨ ਪਤਵੰਤਿਆਂ ਅਤੇ ਨਿਰਦੇਸ਼ਕ ਜੋੜੀ ਡਾ.ਰਾਮ ਤੇ ਬਿੰਦੁ ਅਰੋੜਾ ਨੇ ਮਿਲਕੇ ਮਾਂ ਸਰਸਵਤੀ ਦੀ ਤਸਵੀਰ ਅੱਗੇ ਜੋਤੀ ਪ੍ਰਚੰਡ ਕਰਕੇ ਤੇ ਫੁਲ ਮਾਲਾਵਾਂ ਭੇਂਟ ਕਰਕੇ ਕੀਤਾ। ਅਰਵਿੰਦਰ ਕੌਰ ਨੇ ਪ੍ਰਸਿੱਧ ਫਿਲਮੀ ਗੀਤ “ਰਹੇਂ ਨਾ ਰਹੇ ਹਮ, ਮਹਿਕਾ ਕਰੇਗੇਂ ਬਨ ਕੇ ਹਵਾ ਬਨ ਕੇ ਸਮਾਂ ਇਨ ਘਟਾੳ ਮੇਂ” ਅਤੇ ਰਮਨਦੀਪ ਕੌਰ ਨੇ ਇੱਕ ਪੁਰਾਣਾ੍ ਗੀਤ”ਖਤ ਲਿਖਦੇ ਸਾਂਵਰੀਆ ਕੇ ਨਾਮ ਬਾਬੂ ਵੋ ਜਾਨ ਜਾਏਂਗੇ ਪਹਿਚਾਨ ਜਾਏਗੇਂ ਕੈਸੇ ਹੋਤੀ ਹੈ ਸੁਬਹ ਸੇ ਸਾਮ ਬਾਬੂ” ਪੇਸ਼ ਕੀਤਾ। ਪੰਚਕੂਲਾ ਦੇ ਕੇਵਲ ਸਰੀਨ ਨੇ ਗੀਤ ” ਰਾਤ ਕਲੀ ਇੱਕ ਖੁਆਬ ਮੇਂ ਆਈ ਔਰ ਗਲੇ ਕਾ ਹਾਰ ਹੁਈ” ਗਾਕੇ ਚੰਗੀ ਵਾਹ ਵਾਹ ਖੱਟੀ। ਅਸ਼ਵਨੀ ਮਹਿਤਾ ਦਾ ਗੀਤ “ਡ੍ਰੀਮ ਗਰਲ ਇੱਕ ਸਾਇਰ ਕੀ ਗ਼ਜ਼ਲ” ਬੇਹਦ ਪਸੰਦ ਕੀਤਾ ਗਿਆ।
ਭੁਪਿੰਦਰ ਸਿੰਘ, ਮਨਜੀਤ ਕੌਰ, ਮਲਕੀਤ ਵਿਖੂ, ਡੀ.ਐਸ.ਪੁਰੀ, ਜਸਪਾਲ ਸਿੰਘ ਚੰਡੀਗੜ੍ਹ, ਸ਼ਾਂਤੀ ਸਰੂਪ ਸਿੰਗਲਾ, ਮਲਕੀਤ ਵਿਖੂ, ਆਰ.ਸੀ.ਦਾਸ,ਸੰਗੀਤਾ ਨਾਗਪਾਲ,ਦੀਪਕ ਭਟਨਾਗਰ, ਬੰਟੀ ਪੰਚਕੂਲਾ, ਬਸ਼ੀਰ ਸਿਆਨੀ, ਗੁਰਨਾਮ ਸਖਾ,ਰਾਜੀਵ ਵਰਮਾ, ਰੇਨੂੰ ਵਰਮਾ, ਰਮੇਸ਼ ਮਲਹੋਤਰਾ,ਚਰਨ ਦਾਸ ਖੱਤਰੀ,ਰਾਜ ਕੁਮਾਰ ਅੰਬਰਸਰੀਆ, ਸਤਪਾਲ ਸਿੰਘ,ਰਸ਼ਦੀਪ ਖਹਿਰਾ ਤੋਂ ਇਲਾਵਾ ਹੋਰ ਵੀ ਕਈ ਸੌਕੀਆ ਕਰੋਕੇ ਕਲਾਕਾਰਾਂ ਨੇ ਆਪਣੇ ਆਪਣੇ ਗੀਤਾਂ ਰਾਹੀਂ ਹਾਜ਼ਰੀ ਲਗਵਾਈ। ਆਵਾਜ਼ ਤੇ ਰੌਸ਼ਨੀ ਪ੍ਰਬੰਧ ਨਰਿੰਦਰ ਅਰੋੜਾ ਦਾ ਸੀ। ਮੁੱਖ ਮਹਿਮਾਨ ਮੇਘ ਚੰਦ ਸੇਰਮਾਜਰਾ ਨੇ ਪ੍ਰਬੰਧਕਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਗੀਤ ਸੰਗੀਤ ਰੂਹ ਦੀ ਖੁਰਾਕ ਤੇ ਜ਼ਖ਼ਮੀ ਦਿਲਾਂ ਲਈ ਮੱਲਮ ਦਾ ਕੰਮ ਕਰਦਾ ਹੈ। ੳਹਨਾਂ ਨੇ ਸਭਾ ਲਈ ਆਪਣੇ ਵਲੋਂ ਪੂਰਨ ਸਹਿਯੋਗ ਦਾ ਭਰੋਸਾ ਦਿੱਤਾ। ਪ੍ਰੋਗਰਾਮ ਦੇ ਵਿਸ਼ੇਸ਼ ਮਹਿਮਾਨ ਭਗਵਾਨ ਦਾਸ ਗੁੱਪਤਾ ਨੇ ਸਭਾ ਵਲੋਂ ਲਗਾਤਾਰ ਕਈ ਸੱਭਿਆਚਾਰਕ ਪ੍ਰੋਗਰਾਮ ਕਰਵਾਉਣ ਲਈ ਸ਼ਲਾਘਾ ਕਰਦਿਆਂ ਕਿਹਾ ਕਿ ਚੰਗਾ ਗਾਇਕ ਬਨਣ ਲਈ ਵਧੀਆ ਸਰੋਤਾ ਹੋਣਾ ਬਹੁਤ ਜ਼ਰੂਰੀ ਹੈ। ਕਰੋਕੇ ਸੰਗੀਤ ਦੱਖਣ ਪੱਛਮ ਬਾਅਦ ਹੁਣ ਉਤਰੀ ਭਾਰਤ ਵਿੱਚ ਵੀ ਬਹੁਤ ਮਕਬੂਲ ਹੋ ਰਿਹਾ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮਨਜੀਤ ਸਿੰਘ ਸਾਬਕਾ ਅਧਿਕਾਰੀ ਭਾਰਤੀ ਸੰਚਾਰ ਨਿਗਮ ਪਟਿਆਲਾ, ਅਜੈ ਗੋਇਲ, ਪੁਸ਼ਪਿੰਦਰ ਗੁਪਤਾ, ਰਮੇਸ਼ ਮਲਹੋਤਰਾ ਤੇ ਰਾਜੇਸ਼ ਕੋਟੀਆ ਵੀ ਹਾਜਰ ਸਨ।
