RelatedPosts
ਚੰਡੀਗੜ, 23 ਜੂਨ (ਪੀਤੰਬਰ ਸ਼ਰਮਾ) – ਹਰਿਆਣਾ ਦੇ ਰਾਜਪਾਲ ਸਤਯਦੇਵ ਨਾਰਾਇਣ ਆਰਿਆ ਨੇ ਕਿਹਾ ਕਿ ਸੂਬੇ ਦੀ ਸਾਰੀ ਯੂਨੀਵਰਸਿਟੀਆਂ ਵਿਚ ਸਿਖਿਆ ਦੀ ਗੁਣਵੱਤਾ ਨੂੰ ਧਿਆਨ ਵਿਚ ਰੱਖਦੇ ਹੋਏ ਵਿਦਿਅਕ ਸਿਲੇਬਸ ਵਿਚ ਜੀਵਨ ਬਿਤਾਉਣ ਨਾਲ ਜੁੜੇ ਮਾਮਲੇ ਸ਼ਾਮਿਲ ਕਰਕੇ ਵਿਦਿਆਰਥੀਆਂ ਨੂੰ ਆਤਮਨਿਰਭਰ ਬਣਾਉਣ ਦੀ ਦਿਸ਼ਾ ਵਿਚ ਕੰਮ ਕੀਤਾ ਜਾਵੇਗਾ| ਸ੍ਰੀ ਆਰਿਆ ਅੱਜ ਹਰਿਆਣਾ ਰਾਜ ਉੱਚੇਰੀ ਸਿਖਿਆ ਪਰਿਸ਼ਦ ਦੇ ਚੇਅਰਮੈਨ ਬੀ.ਕੇ.ਕੁਠਿਆਲਾ ਨਾਲ ਵਿਚਾਰ-ਵਟਾਂਦਰਾ ਕਰ ਰਹੇ ਸਨ| ਉਨਾਂ ਨੇ ਸ੍ਰੀ ਕੁਠਿਆਲਾ ਨੂੰ ਯੂਨੀਵਰਸਿਟੀਆਂ ਤੇ ਕਾਲਜਾਂ ਦੇ ਸਿਲੇਬਸ ਵਿਚ ਆਧੁਨਿਕ ਸਮੇਂ ਦੀ ਲੋਂੜ ਅਨੁਸਾਰ ਵਿਸ਼ਿਆਂ ਨੂੰ ਲਾਗੂ ਕਰਨ ਲਈ ਸੁਝਾਅ ਦੇਣ ਲਈ ਵੀ ਕਿਹਾ| ਉੱਚੇਰੀ ਸਿਖਿਆ ਪਰਿਸ਼ਦ ਦੇ ਸੁਝਾਵਾਂ ਨੂੰ ਯੂਨੀਵਰਸਿਟੀਆਂ ਦੀ ਮਾਹਰਤਾ ਅਨੁਸਾਰ ਲਾਗੂ ਕਰਵਾਇਆ ਜਾਵੇਗਾ|
ਰਾਜਪਾਲ ਸ੍ਰੀ ਅਰਿਆ ਨੇ ਭਾਰਤੀ ਸਭਿਆਚਾਰ ਤੇ ਗਿਆਨ-ਵਿਗਿਆਨ ‘ਤੇ ਆਧਾਰਿਤ ਵਿਸ਼ਿਆਂ ‘ਤੇ ਖੋਜ ਕੰਮ ਦਾ ਘੇਰਾ ਵੱਧਾਉਂਣ ‘ਤੇ ਜੋਰ ਦਿੱਤਾ| ਉਨਾਂ ਕਿਹਾ ਕਿ ਖੋਜ ਕੰਮਾਂ ਤੇ ਰੁਜ਼ਗਾਰਮੁੱਖੀ ਸਿਖਿਆ ਲਈ ਯੂਨੀਵਰਸਿਟੀ ਕੰਪਲੈਕਸਾਂ ਵਿਚ ਸਿਖਿਆ ਦੇ ਵਧੀਆ ਕੇਂਦਰ ਸਥਾਪਿਤ ਕਰਕੇ ਵਿਦਿਆਰਥੀਆਂ ਨੂੰ ਵੱਧ ਤੋਂ ਵੱਧ ਸਹੂਲਤਾਂ ਪ੍ਰਦਾਨ ਕਰਨ ਦੀ ਲੋਂੜ ਹੈ| ਇਸ ਦੇ ਨਾਲ-ਨਾਲ ਆਨਲਾਇਨ ਸਿਖਿਆ ਲਈ ਡਿਜੀਟਲ ਪਲੇਟਫਾਰਮ ਵੀ ਮਜਬੂਤ ਕੀਤੇ ਜਾਣ ਬਾਰੇ ਯੂਨੀਵਰਸਿਟੀਆਂ ਨੂੰ ਆਦੇਸ਼ ਜਾਰੀ ਕੀਤੇ ਜਾਣਗੇ, ਜਿਸ ਨਾਲ ਵਿਦਿਆਰਕੀਆਂ ਨੂੰ ਵਿਸ਼ਵ ਪੱਧਰ ਦੀ ਸਿਖਿਆ ਪ੍ਰਾਪਤ ਹੋਵੇਗੀ|
ਹਰਿਆਣਾ ਰਾਜ ਉੱਚੇਰੀ ਸਿਖਿਆ ਪਰਿਸ਼ਦ ਦੇ ਚੇਅਰਮੈਨ ਬੀ.ਕੇ. ਕੁਠਿਆਲਾ ਨੇ ਵੀ ਦਸਿਆ ਕਿ ਮੌਜ਼ੂਦਾ ਵਿਚ ਨੌਜੁਆਨਾਂ ਨੂੰ ਗਿਆਨ-ਵਿਗਿਆਨ ਪਰੰਪਰਾ ਤੇ ਸਭਿਆਚਾਰ ਤੋਂ ਜਾਣੂੰ ਕਰਵਾਉਣ ਦੀ ਲੋਂੜ ਹੈ| ਇੰਨਾਂ ਸਾਰੀਆਂ ਪ੍ਰਣਾਲੀਆਂ ਨੂੰ ਆਧੁਨਿਕ ਵਿਗਿਆਨ ਨਾਲ ਜੋੜ ਕੇ ਖੋਜ ਕੰਮਾਂ ਨੂੰ ਅੱਗੇ ਵੱਧਾਇਆ ਜਾ ਸਕਦਾ ਹੈ| ਇਸ ਦੇ ਨਾਲ-ਨਾਲ ਯੂਨੀਵਰਸਿਟੀਆਂ ਦੀ ਗ੍ਰੈਜੂਏਟ ਪੱਧਰ ਦੀ ਜਮਾਤਾਂ ਵਿਚ ਜੀਵਨ ਜਿਊਂਣ ਦੀ ਪ੍ਰੈਕਟਿਕਲ ਤੇ ਵਿਹਾਰਕ ਉੱਚੇਰੀ ਸਿਖਿਆ ਦੇ ਕੇ ਵਿਦਿਆਰਥੀਆਂ ਨੂੰ ਆਤਮਨਿਰਭਰ ਬਣਾਇਆ ਜਾ ਸਕਦਾ ਹੈ| ਰਾਜ ਉੱਚੇਰੀ ਸਿਖਿਆ ਪਰਿਸ਼ਦ ਵੱਲੋਂ ਇਸ ਬਾਰੇ 10-10 ਪ੍ਰੈਕਟਿਕਲ ਵਿਸ਼ਾ ਵੀ ਤਿਆਰ ਕੀਤੇ ਗਏ ਹਨ, ਜਿੰਨਾਂ ਨੂੰ ਗ੍ਰੈਜੂਏਟ ਪੱਧਰ ਦੀ ਜਮਾਤਾਂ ਵਿਚ ਲਾਗੂ ਕਰਨ ਨਾਲ ਵਿਦਿਆਰਥੀਆਂ ਨੂੰ ਲਾਭ ਹੋਵੇਗਾ|
